Mdh tuproqlari. Tayga-o’rmon zonasi va o’rmon-dasht zonasining qora tuproqlari

R e l y e f i. Zonaning Yevropa qismi uchun tekis relyef xarakterli. Osiyo qismidagi G’arbiy Sibir pasttekisligi past tog’larga va so’ngra tog’li o’lkalarga o’tadi.
T u p r o q p a y d o q i l u v ch i o n a j i n s l a r i juda xilma-xil, turli mexanik tarkibli morenalar va muz suvlari yotqiziqlari tarqalgan. Tog’ o’lkalari sharoitida ona jinslari asosan tub jinslar va cho’kindi jinslarning elyuvial-delyuvial yotqiziqlaridan daryo sohillarida qadimgi va hozirgi zamon allyuvial yotqiziqlar tarqalgan. Zonadagi ko’pchilik ona jinslarning karbonatsiz bo’lishi xarakterli.
O’ s i m l i k l a r i. Tayga-o’rmon zonasining o’simliklari o’rmon, o’tsimon-o’tloq va botqoq formasiyalardan tashkil topgan. Zonada o’rmonlar eng ko’p tarqalgan bo’lib, uning janubida o’rmonlar bilan birga turli o’tloqlar ham katta rol o’ynaydi. Zonaning Shimoli va G’arbiy Sibir pasttekisligida botqoqliklar ko’p uchraydi.