Мазкур ўқув услубий мажмуа фаннинг ишчи ўқув дастури ва ишчи ўқув режасига мувофиқ ишлаб чиқилди

Актив фильтрлар ўзгартирилаётган тўлиқ спектрдан зарур частоталар диапазонини ажратиб олиш учун ишлатилади. Дискрет электроникада асосан, LC – ёки RC– контурлар кўринишидаги пассив элементлардан ташкил топган анъанавий фильтрлар ишлатилади. Микроэлектроникада фильтрларнинг асосий элементи бўлиб, чизиқли ТАга эга бўлган, операцион кучайтиргич хизмат қилади.


11.2. Аналог қурилмалар схемотехникаси

Электрониканинг электрон асбоблар ВАХлари хусусиятларини эътиборга олган ҳолда, ахборотга ишлов бериш усулларини ишлаб чиқувчи бўлими схемотехника деб аталади.

Микросхемотехника деб, электрониканинг ИМСларда ва улар асосидаги РЭАларда ишлатиладиган электр ва тузилма схемаларини ишлаб чиқиш, тадқиқ этишлар билан шуғулланидиган бўлимига айтилади.
Замонавий ИМСлар мураккаб электрон қурилмадир, шунинг учун уларни схемотехник ифодалашнинг икки усули мавжуд:
– Электр схема кўринишида ифодаланиш бўлиб, у ўзаро уланган алоҳида компоненталар (транзисторлар, диодлар, резисторлар ва бошқалар) дан ташкил топади.
– Тизим схема кўринишида ифодаланиш бўлиб, у АИСларда аналог каскадларни уланишидан ёки РИСларда алоҳида мантиқ элементлар ва триггерларнинг уланишидан иборат. Ушбу каскадлар ва элементлар аналог (кучайтириш, фильтрлаш ва бошқа) ёки элементар мантиқий (ҲАМ-ЭМАС, ЁКИ-ЭМАС ва бошқа) операцияларни бажаради. Бу операциялар ёрдамида ҳар қандай аналог, аналог-рақамли ва рақамли функцияларни амалга ошириш мумкин.
Дискрет схемотехникага электр схемалар учун схемотехник ечимлар соддалиги ва қиммат актив элементларни минимал ишлатиш, ажратувчи конденсатор, трансформатор ва бошқалардан кенг фойдаланиш хосдир.
Интеграл схемотехникада барча элементлар ягона кристалл-да шакллантирилгани сабабли, уларнинг қиймати элементлар нархи билан эмас, балки кристалл нархи билан белгиланади. Шунинг учун кристаллда иложи борича кўпроқ элементларни жойлаштириш мақсадга мувофиқ. Кристаллдаги актив элементлар – транзисторлар, диодлар минимал юзага, пассив элементлар эса, максимал юзага эга. Шунинг учун ИСларда резисторлар сони минимал бўлишига интилинади, катта юзани эгалловчи конденсаторлар қўлланилмай, уларни ўрнига каскадларни мувофиқлаштирирувчи каскадлардан фойдалнилади.
ИСларнинг бошқа хусусияти мураккаб элементларнинг бир-бирига жуда яқин (< 10 мкм) жойлашганлиги сабабли, уларнинг параметрлари ҳам бир-биридан деярли фарқ қилмайди (эгизаклик принципи). Элементлар эскирганда, кучланиш манбаи ва температура ўзгарганда уларнинг параметрлари ҳам бир хилда ўзгариб, параметрлар корреляцияси сақланади. ИСларнинг ушбу хусусияти, дискрет транзисторли тузилмаларда амалга ошириб бўлмайдиган, юқори аниқликдаги дифференциал каскадлар, барқарор ток ва кучланиш генераторларини яратиш имконини берди.
АИС маҳсулотлари турлари кўп бўлишига қарамасдан, уларнинг ҳаммасида, схемотехник умумлаштириш ва лойиҳалашни енгиллаштириш мақсадида, чегараланган сонли негиз элементлар: содда кучайтиргич каскади, дифференциал кучайтиргич, барқарор ток генератори, ўзгармас кучланиш сатҳини силжитувчи қурилма, чиқиш каскади ва бошқалардан фойдаланилади. Улар асосида интеграл микросхемотехниканинг ОКлари ва аналог кўпайтиргич-лари яратилган бўлиб, исталган аналог функционал масала амалда ҳал қилиниши мумкин.