Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Ushbu moddalarni 
tayyorlash
deganda, aybdor shaxsning kuchli ta’sir 
qiluvchi yoki zaharli moddalarni tabiiy xomashyo yoki oddiy, zarar 
yetkazmaydigan moddalardan kimyoviy tajribalar o‘tkazish yo‘li bilan 
yoxud ushbu moddalarni tayyorlash uchun mavjud apparatlar, agregatlarni 
qayta ishlash, yangi apparatlar yaratishga qaratilgan harakatlari 
tushuniladi. 
Tayyorlash joyi (kvartira, fabrika, kimyoviy laboratoriya), shuning-
dek, aybdor shaxsining malakasi (tajribasi, bilimi) qilmishning 
kvalifikatsiya qilinishida ahamiyat kasb etmaydi, lekin aybdorga jazo 
tayinlayotgan vaqtda e’tiborga olinishi kerak.
Ushbu jinoyat konsentratsiyasi, miqdori va tarkibiga ko‘ra, inson 
hayoti va sog’lig’i uchun xavf tug’diradigan kuchli ta’sir qiluvchi va 
zaharli moddalar tayyorlangan (ishlab chiqarilgan) yoki ularni tayyorlash 
va qayta ishlab chiqarish uchun moslama tayyorlangan vaqtdan 
tugallangan
hisoblanadi. Kuchli ta’sir qiluvchi va zaharli moddalarni 
tayyorlashga qaratilgan harakatlar amalga oshirilgan, ammo tayyor 
preparat olinmagan holatlar jinoyatga suiqasd sifatida JK 25-moddasi 2-
qismi va 
251
1
-moddasi
bilan kvalifikatsiya qilinadi.
68 

---

Qayta ishlash
– kuchli ta’sir qiluvchi va zaharli moddalarning 
konsentratsiyasini oshirish maqsadida ularning birlamchi tarkibi va 
tavsifini o‘zgartirish, shuningdek, ularni boshqa qo‘shimchalardan 
tozalash. 
Kuchli ta’sir qiluvchi va zaharli moddalarning tegishli tarkibi qo‘lga 
kiritilgan vaqtdan qayta ishlash 
tugallangan
deb hisoblanadi. 
Kuchli ta’sir qiluvchi va zaharli moddalarni 
olish
– aybdorning 
ushbu moddalarni yoki ularni tayyorlash yoki qayta ishlash uchun mo‘ljal-
langan moslamalarga haqiqatan o‘z egaligiga olishga qaratilgan har 
qanday harakatlaridir. Bunday harakatlar sotib olish, boshqa ashyolarga 
almashtirish, qarzga yoki mukofot sifatida olish, topib olingan narsani 
o‘zlashtirish va boshqa ko‘rinishda bo‘lishi mumkin. 
Kuchli ta’sir qiluvchi va zaharli moddalarni talon-toroj (qonunga 
xilof ravishda egallash) qilish JK 251-moddasi bilan kvalifikatsiya 
qilinadi. 
Ushbu jinoiy harakat jinoyat predmeti egallangan va shaxsda undan 
real foydalanish imkoniyati vujudga kelgan vaqtdan