Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 251-moddasi 2-qismida
nazarda tutilgan jinoyatning 
tugallangan vaqti 
differentsiatsiyalangan holda aniqlanadi. Jinoyatni «a», 
«b» va «g» bandlarining belgilari bo‘yicha sodir etishda jinoyatning 
tugallangan vaqti kuchli ta’sir qiluvchi yoki zaharli moddalarni egallash va 
aybdorda ulardan o‘zining ixtiyoriga ko‘ra foydalanish uchun haqiqiy 
imkoniyat paydo bo‘lgan vaqtga to‘g’ri keladi. 
O‘zlashtirish, rastrata qilish yoki mansab mavqeini suiiste’mol qilish 
hollarida esa tugallangan vaqti egallash vaqtiga to‘g’ri kelmaydi, chunki 
mazkur moddalar, qoida tariqasida, aybdor shaxslarning egaligida bo‘ladi. 
Ko‘rsatilgan hollarda 
tugallangan
vaqti mansab mavqeini suiiste’mol 
qilib yoki suiiste’mol qilmasdan ushbu moddalarni o‘zlashtirish yoki 
rastrata qilish bo‘yicha aniq amalga oshirilgan harakatlardan kelib chiqib 
aniqlanadi. 
Talonchilikda jinoyatning 
tugallangan
vaqti sifatida ayrim 
harakatlarni amalga oshirish bilan qo‘rqitib mulk topshirishni talab qilish 
vaqti e’tirof etiladi. 
66 

---

JK 251-moddasi 3-qismida
kuchli ta’sir qiluvchi yoki zaharli 
moddalarni: 
a) bosqinchilik yo‘li bilan; 
b) ko‘p miqdorda; 
v) uyushgan guruh yoki uning manfaatlarini ko‘zlab sodir etilgani 
uchun javobgarlik nazarda tutilgan. 
Mazkur holda 
ko‘p miqdor 
ishning aniq holatlaridan kelib chiqib, 
kuchli ta’sir qiluvchi yoki zaharli moddalarning miqdorini, uning odam 
organizmiga ta’sir qilish darajasini va hokazolarni inobatga olib 
aniqlanadi. Ayrim holatlarda giyohvandlik vositalari ustidan nazorat qilish 
qo‘mitasi tomonidan bu holat bo‘yicha tavsiyalar beriladi. 
JK 251-moddasi 3-qismi «a» bandida
nazarda tutilgan jinoyat 
ko‘rsatilgan moddalarni egallash maqsadida hujum qilingan vaqtdan 
e’tiboran tugallangan deb e’tirof etiladi. 
Yuqorida aytib o‘tilgan og’irlashtiruvchi holatlarning barchasini JK 
247-moddasi tahlil qilinganida ko‘rib chiqqan edik.