Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Radioaktiv moddalar 
o‘z-o‘zidan parchalanishi va korpuskulyar 
yoki elektr magnit nurlanishi orqali tirik mavjudotlarga zarar keltirish 
xususiyatiga ega yadro qurolini hamda turli texnik nazorat va tadqiqotga 
mo‘ljallangan vositalarni to‘ldirish uchun foydalaniladi. Bunday 
moddalarga qurol uchun plutoniy, stronsiy, kobalt, to‘ydirilgan uran, radiy 
va boshqalar kiradi. 
Atrofdagilar uchun katta xavf manbai bo‘lgan boshqa modda va 
buyumlarga
fizik, kimyoviy yoki biologik ko‘rsatkichlari bo‘yicha inson 
organizmiga zararli ta’sir ko‘rsatuvchi har qanday moddalar, predmetlar, 
texnik qurilmalarni yemirish xususiyatlariga ko‘ra qurollar, o‘q-dorilar, 
portlovchilar yoki radioaktiv moddalar bilan tenglashtiriladi. Bular: yuqori 
zaharli moddalar saqlanadigan sig’imlar, biologik preparatlar, radioaktiv 
yoki zaharlovchi moddalardan bo‘shagan idishlar, yuqori o‘tkazgichli 
elektr tizimlari va h.k. 
JK 297-moddasida
nazarda tutilgan jinoyat 
obyektiv tomondan
atrofdagilar uchun katta xavf manbai bo‘lgan, o‘rtacha yoki og’ir tan 
jarohatlarini keltirib chiqaruvchi qurol bilan hamda o‘q-dori, portlovchi, 
radioaktiv yoki boshqa moddalar va buyumlar bilan muomalada bo‘lish 
qoidalarini buzishda ifodalanadi. 
Moddaning dispozitsiyasi blanket tavsifga ega. Ushbu modda 
bo‘yicha shaxsni jinoiy javobgarlikka tortish uchun har bir alohida va-
ziyatda ko‘rsatilgan predmet bilan muomala qilishning qaysi qoidasi va bu 
qoidaning qaysi bandi buzilganligini aniqlash lozim. Ko‘rsatilgan qoidalar 
ichki xizmat Nizomida, O‘zbekiston Respublikasi Qurolli Kuchlarining 
garnizon va qorovul xizmati Nizomida hamda boshqa maxsus me’yoriy 
aktlarda (uqtirmalarda, yo‘riqnomalarda, idoraviy buyruqlarda va 
boshqalarda) bayon etilib, ularda qurol bilan, tegishli modda va predmetlar 
342 

---

bilan muomalada bo‘lishning xavfsiz shartlarini ta’minlovchi qoidalar 
ro‘yxati ifodalangan.