Maxsus qism iqtisodiyot sohasidagi jinoyatlar. Ekologiya sohasidagi jinoyatlar

tugallangan 
jinoyat deb hisoblanadi. 
Agar aybdor o‘g‘irlangan mulkni tasarruf etish yoki undan foydalanish 
imkoniyatiga ega bo‘lmagan bo‘lsa, uning harakatlari o‘g‘irlikka suiqasd 
hisoblanadi. Masalan, shaxs zavodning kirish-chiqish joyida o‘g‘irlangan 
narsalar bilan ushlandi, deylik, bu holda aybdor shaxs mulkni qo‘lga 
kiritgan, ammo hali uni o‘z ixtiyoricha tasarruf etish imkoniyatiga ega 
bo‘lmaydi. Biroq, agar aybdor shaxs tayyor mahsulot tsexidan tovarni 
o‘g‘irlagan bo‘lsa va zavod hududidan chiqmasdan shu mahsulotdan o‘z 
maqsadida foydalangan (iste’mol qilgan) bo‘lsa, aybdorning harakatlari 
tugallangan o‘g‘irlikning tarkibini tashkil qiladi. 
Basharti qo‘riqlash xodimi bila turib, o‘g‘irlikni sodir etayotgan shaxsga 
mulkni o‘zi qo‘riqlayotgan hududdan olib chiqishga ko‘maklashsa yoki 
o‘g‘irlikning sodir etilishiga xalaqit beruvchi to‘siqlarni bartaraf etsa, u 
o‘zganing mulkini talon-toroj qilishda ishtirok etganlik uchun javobgar 
bo‘ladi. 
Subyektiv tomondan 
o‘g‘irlik 
to‘g‘ri qasd 
bilan va 
g‘araz 
maqsadlarda 
sodir etiladi. Aybdor olingan o‘zganing mulkining nafaqat 
g‘ayriqonuniyligini va qaytarib berilmasligini, balki o‘z harakatlarining 
yashirin usullarini ham tushunib etadi. 
Ushbu jinoyatning 
subyekti 
14 yoshga to‘lgan har qanday aqli raso 
jismoniy shaxs bo‘lishi mumkin. 
Shuni ta’kidlash lozimki, mulkni yashirin talon-toroj qilish 
o‘g‘irlanayotgan mulkka nisbatan uni tasarruf etish, boshqarish, yetkazib 
berish yoki saqlash bo‘yicha muayyan vakolatlarga ega bo‘lgan shaxs 
tomonidan sodir etilgan bo‘lsa, unda qilmishni JK 167-moddasi bo‘yicha 
kvalifikatsiya qilish lozim. 
70 

---

JK 169-moddasi 2-qismida:
a) jabrlanuvchining kiyimi, sumkasi yoki boshqa qo‘l yukidagi ashyoga 
nisbatan (kissavurlik); 
b) ancha miqdorda; 
v) bir guruh shaxslar tomonidan oldindan til biriktirib; 
g) uy-joy, omborxona yoki boshqa xonaga g‘ayriqonuniy ravishda kirib 
sodir etilgan o‘g‘irlik uchun javobgarlik nazarda tutilgan. 
Jabrlanuvchining kiyimi, sumkasi yoki boshqa qo‘l yukidagi ashyoga 
nisbatan sodir etilgan o‘g‘irlik (kissavurlik) respublikamizning jinoyat 
qonuniga yangi kiritilgan og‘irlashtiruvchi holatdir. Kissavurlikning 
ijtimoiy xavfliligi: birinchidan, uning ancha ko‘p tarqalganligi bilan; 
ikkinchidan, aybdor bevosita jabrlanuvchining o‘zida turgan mulkni tortib 
olishi, bu esa jabrlanuvchi o‘z mulkiga suiqasd qilinayotganini payqab 
qolsa, jabrlanuvchiga nisbatan zo‘rlik ishlatilishi xavfi tug‘ilishi 
mumkinligi bilan izohlanadi.