Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 241-moddasi 2-qismi
og‘ir yoki o‘ta og‘ir jinoyatlarni oldindan 
va’da bermasdan yashirish uchun javobgarlikni nazarda tutadi. 
NOTA BENE ! 
Yashirish 
deganda,
 
jinoyatchi, jinoyat izlari, sodir etilgan jinoyat 
qurollari va vositalari, jinoiy yo‘l bilan qo‘lga kiritilgan predmetlarning 
yashirilishini tushunish zarur. Yashirish uy-joyni, qiyofasini o‘zgartirish 
uchun kiyim-kechak berishdan, shaxsni biron-bir hujjat bilan 
ta’minlashdan, qon izlarini, barmoq izlarini yo‘qotishdan va h.k.lardan 
iborat bo‘lishi ham mumkin. 
Yashirish 
obyektiv tomondan 
jinoyatchini, uning jinoyati izlarini, og‘ir 
yoki o‘ta og‘ir jinoyatni sodir etishdagi vosita va qurol-yarog‘ini yoxud 
og‘ir yoki o‘ta og‘ir jinoyatni sodir etish natijasida olingan buyum va 
qimmatbaho narsalarni berkitishda ifodalanishi mumkin.
Jinoyatchini yashirish 
— bu unga boshpana, transport vositalari berish, 
qalbaki hujjatlar bilan ta’minlash, tashqi qiyofasini o‘zgartirishda yordam 
berish.
Jinoyat sodir etish quroli va vositalarini yashirish
— jinoyat sodir 
etilgan qurol va boshqa narsalarni yashirish, berkitish yoki ularni yo‘q 
qilish yoki o‘zgartirish.
Jinoyat izlarini yoki jinoyat yo‘li bilan olingan narsalarni yashirish 
ularni berkitish, boshqa joyga olib borish, yo‘q qilish, tashqi ko‘rinishini 
520 

---

o‘zgartirish, zavod tamg‘asi detal nomerini qalbakilashtirish yo‘li bilan 
amalga oshiriladi. 
Jinoyat predmetlarini yashirish harakatlari natijasida jinoyat qonuni 
bilan qo‘riqlanadigan boshqa obyektlarga ham zarar yetkazilgan taqdirda 
qilmish tegishli moddalar bilan jinoyatlar jami tariqasida tavsiflanadi. 
Masalan, jinoyat predmeti bo‘lgan o‘qotar qurolni yashirish harakatlarini 
JK 241-moddasi va 248-moddalari (qurol, o‘q-dorilar, portlovchi moddalar 
yoki portlatish qurilmalariga qonunga xilof ravishda egalik qilish)bilan 
jinoyatlar jami tariqasida tavsiflash lozim. 
Mazkur jinoyat faqatgina 
faol harakat 
orqali sodir etilishi mumkin. 
Yordamchi tarzidagi ishtirokchilikdan farqli ravishda, mazkur modda 
ma’nosida yashirish og‘ir yoki o‘ta og‘ir jinoyat sodir etilgandan so‘ng 
aybdor tomonidan amalga oshiriladi, shuning uchun u sodir etilgan jinoyat 
va uning oqibatlari bilan sababiy bog‘lanishda emas. Bundan tashqari, 
og‘ir jinoyat yoki o‘ta og‘ir jinoyat sodir etilguncha aybdor u haqida 
bilmaydi va jinoyat izlarini oldindan yo‘q qilishga va’da bermaydi. 
Agar yashirish doimiy xususiyatga ega bo‘lsa, bu bajaruvchini jinoyatni 
sodir etishda yordamlashganlik deb hisobga olish uchun asos bo‘ladi va 
uning harakatlarini ishtirokchilik sifatida kvalifikatsiya qilish lozim. 
Shaxs jinoyatchini jinoyat sodir etish quroli va vositalarini, og‘ir yoki 
o‘ta og‘ir jinoyatni sodir etish natijasida olingan narsa va qimmatbaho 
buyumlarni yashirishga yo‘naltirilgan harakatlarni amalga oshirganda, 
jinoyat