Maxsus qism iqtisodiyot sohasidagi jinoyatlar. Ekologiya sohasidagi jinoyatlar

maxsus texnik 
vositalar 
deganda, video, audio texnikalar, kino, foto apparaturalar va 
boshqa texnik vositalarni tushunish zarur (barcha turdagi telefonlar, eshitish 
uchun qurilmalar va b.). 
4-§. Adolatsiz hukm, hal qiluv qarori, ajrim yoki qaror chiqarish
(JK 231-moddasi) 
Jinoyatning 
bevosita obyekti 
odil sudlov organlarining normal faoliyati, 
sud hokimiyatining obro‘yi, fuqarolarning qonuniy huquq va manfaatlari, 
shuningdek, korxonalar, tashkilotlar, muassasalarning manfaatlari 
hisoblanadi. 
Jinoyatning 
predmeti 
sudya tomonidan qabul qilinadigan huquqiy 
hujjatlar: hukm, hal qiluv qarori, ajrim yoki qaror hisoblanadi.
NOTA BENE ! 
Hukm
— sudlanuvchining aybdor yoki aybdor emasligi masalasi 
bo‘yicha va unga jinoiy jazoni qo‘llash yoki qo‘llamaslik to‘g‘risidagi 
birinchi instansiya yoki apellatsiya instansiyasi sudi tomonidan chiqarilgan 
hujjatdir. 
O‘zbekiston Respublikasida hukm O‘zbekiston Respublikasi nomidan 
chiqariladi va u qonuniy, asosli va adolatli bo‘lishi shart (JPK 454–455-
475 

---

moddalariga qarang). Sud oqlov (sudlanuvchining aybsizligini 
belgilovchi) yoki ayblov (sudlanuvchining aybdorligini belgilovchi) 
hukmi chiqarishi mumkin. 
NOTA BENE ! 
Hal qiluv qarori 
— birinchi instansiya fuqarolik va xo‘jalik sudining 
fuqarolik ishini yoki xo‘jalik nizosini bevosita hal qiladigan hujjatidir. Xal 
qiluv qarori ham O‘zbekiston Respublikasi nomidan chiqarilib, qonuniy va 
asoslangan bo‘lishi kerak. 
Protsessual qonunchilikka binoan (jinoyat, fuqarolik, xo‘jalik) 
ajrim 
deganda, birinchi instansiya sudi tomonidan hukm yoki hal qiluv qaroridan 
tashqari chiqarilgan istalgan sud akti tushuniladi. 
Masalan, ehtiyot chorasini qo‘llash, o‘zgartirish yoki bekor qilish 
to‘g‘risidagi ajrim, ishni tugatish to‘g‘risidagi ajrim, ishni yopiq majlisda 
ko‘rish to‘g‘risida ajrim, ishni ko‘rib chiqish uchun boshqa sudga yuborish 
to‘g‘risidagi ajrim, ishni qo‘shimcha tergovga yuborish to‘g‘risidagi ajrim, 
xususiy ajrim va hokazolar. 
Ajrimlarga
, shuningdek, ikkinchi instansiya sudlarining barcha 
qarorlari hamda yuqori pog‘ona (sudlar rayosatidan tashqari) sudlar 
tomonidan qonuniy kuchga kirmagan (apellatsiya instansiyasida ish 
ko‘rishda) yoxud qonuniy kuchga kirgan (kassatsiya, nazorat yoki 
yangidan ochilgan holatlar munosabati bilan aytib o‘tilgan sud hujjatlarini 
qayta ko‘rish) hukm, ajrim va qarorlarni qayta ko‘rish paytida qabul 
qilingan qarorlar kiradi.