Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 224-moddasi 2-qismi
da nazarda tutilgan jinoyat mansabdor shaxs 
tomonidan chet el fuqarolari va fuqaroligi bo‘lmagan shaxslarni qabul 
qilish tartibining buzilishi bilanoq 
tugallangan 
hisoblanadi. 
Subyektiv 
tomondan jinoyat 
to‘g‘ri qasd 
bilan sodir etiladi. Aybdor o‘z 
qilmishining ijtimoiy xavfli ekanligini anglaydi va uni sodir etishni 
xohlaydi. 
Jinoyatning sodir etilish 
motivi 
va undan ko‘zlangan 
maqsad 
qilmishni 
kvalifikatsiya qilishda ahamiyatga ega emas. 
Agar sharhlanayotgan moddaning birinchi qismida nazarda tutilgan 
jinoyat chet el fuqarosi yoki fuqaroligi bo‘lmagan shaxs tomonidan sodir 
etilsa, ikkinchi qismida nazarda tutilgan jinoyat 
subyekti 
esa faqatgina 
ularni qabul qiluvchi tashkilotning mansabdor shaxslari hisoblanadi. 
Maxsus subyektlar — mansabdor shaxslar chet el fuqarolari va fuqaroligi 
bo‘lmagan shaxslarni qabul qilish tartibini ijro etishga bevosita daxldor 
bo‘lishlari lozim. Bularga ichki ishlar organlari, tashqi ishlar vazirligi 
xodimlari va chet el fuqarolari hamda fuqaroligi bo‘lmagan shaxslarning 
O‘zbekiston Respublikasi hududida bo‘lishlarini nazorat qiluvchi boshqa 
organlar mansabdor shaxslari kiradi. 
JK 224-moddasi 3-qismi
da nazarda tutilgan jinoyat obyektiv tomoni 
quyidagilarni o‘z ichiga oladi:
 
1)
birinchidan, chet el fuqarolari va fuqaroligi bo‘lmagan shaxslarni 
xususiy ish bilan O‘zbekiston Respublikasiga taklif qilgan fuqaro 
tomonidan mazkur fuqarolarning vaqtincha propiskadan o‘tishlarini, 
shuningdek, ular shu yerda bo‘lishining belgilangan muddati o‘tgach, 
424 

---

chiqib ketishlarini ta’minlashga doir choralar ko‘rilmasligi; 
2)
ikkinchidan, uy-joy, transport vositalari berib qo‘yilishi yoxud boshqa 
xizmatlar ko‘rsatilishi, agar bu O‘zbekiston Respublikasida bo‘lish 
qoidalarining buzilishiga olib kelsa.