Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Obyektiv tomondan 
JK 225-moddasi 1-qismida ko‘zda tutilgan jinoyat 
shunday qilmishi uchun ma’muriy jazo qo‘llanilgandan so‘ng, harbiy yoki 
muqobil xizmatga chaqiruvdan, safarbarlik chaqiruv rezervi safiga 
olinishdan yoki Qurolli Kuchlar rezervida xizmatni o‘tashdan uzrli 
sababsiz bo‘yin tovlashda ifodalanadi. 
Tahlil qilinayotgan modda dispozitsiyasi blanket xarakterga ega. 
O‘zbekiston Respublikasining 2002 yil 12 dekabrdagi «Umumiy harbiy 
majburiyat va harbiy xizmat to‘g‘risida»gi Qonuni
1
harbiy xizmatga 
chaqiruv va harbiy xizmatni o‘tash tartibini belgilaydi. 
O‘zbekistonning suverenitetami himoya qilish bo‘yicha konstitutsiyaviy 
burchning bajarilishi tartibini belgilash, harbiy xizmatni o‘tash, xizmatdan 
ozod etilish hamda harbiy xizmatga aloqador boshqa masalalar quyidagi 
hujjatlar bilan tartibga solinadi: O‘zbekiston Respublikasining 2002 yil
12 dekabrdagi «Umumiy harbiy majburiyat va harbiy xizmat to‘g‘risida»gi 
va 2001 yil 11 maydagi «Mudofaa to‘g‘risida»gi Qonunlari
2
, O‘zbekiston 
Respublikasi Vazirlar Mahkamasining 2003 yil 4 martdagi 119-son 
qaroriga ilova: «O‘zbekiston Respublikasi fuqarolarini harbiy ro‘yxatga 
olish to‘g‘risidagi Nizom»
3
, O‘zbekiston Respublikasi fuqarolarini harbiy 
ro‘yxatga olishni tashkil qilish va uni yuritish tartibi bo‘yicha Yo‘riqnoma 
(O‘zbekiston Respublikasi Mudofaa vazirining 2003 yil 15 iyuldagi
457-son buyrug‘i bilan tasdiqlangan, O‘zbekiston Respublikasi Adliya 
vazirligi tomonidan 2003 yil 18 iyulda 1259-son bilan davlat ro‘yxatidan 
o‘tkazilgan)
4
. 
Harbiy xizmat 
— O‘zbekiston Respublikasi fuqarolarining Qurolli 
Kuchlar safida umumiy harbiy majburiyatni bajarish borasidagi davlat 
xizmatining alohida turidir. Harbiy xizmat rasmiy davlat xizmatlari 
turlaridan biri bo‘lib, umumiy harbiy majburiyatni ado etishga turlicha 
1
Ўзбекистон Республикаси Олий Мажлисининг Ахборотномаси, 2002 й., 12- сон, 217-модда; 2003 й., 9-10-
сон, 149-модда; Ўзбекистон Республикаси қонун ҳужжатлари тўплами, 2004 й., 51-сон, 514-модда; 2008 й., 37-
38-
сон, 362-модда, 50-сон, 491-модда; Ўзбекистон Республикаси Олий Мажлиси палаталарининг 
Ахборотномаси, 2006 й., 6-сон, 262-модда.
2
Ўзбекистон Республикаси Олий Мажлисининг Ахборотномаси, 2001 й., 5-сон, 80-модда; Ўзбекистон 
Республикаси қонун ҳужжатлари тўплами, 2004 й., 51-сон, 514-модда; Ўзбекистон Республикаси Олий 
Мажлиси палаталарининг Ахборотномаси, 2006 й., 6-сон, 262-модда.
3
Ўзбекистон Республикаси қонун ҳужжатлари тўплами, 2003 й., 5-6-сон, 48-модда; 2004 й., 30-сон, 345-
модда.
4
Ўзбекистон Республикаси вазирликлари, давлат қўмиталари ва идораларининг меъёрий ҳужжатлари 
ахборотномаси, 2003 й., 13-14-сон.
427 

---

yondashuv imkoniyatlarini nazarda tutadi. Ushbu holatdan kelib chiqib, 
qonun chiqaruvchi harbiy xizmat turlarini belgilab, shularga binoan 
umumiy harbiy majburiyatni o‘tashning alohida tartibi hamda 
Konstitutsiyaga binoan mamlakatni mudofaa etish majburiyatlarini 
bajarishi shart bo‘lgan shaxslarning xizmatni o‘tash muddati va boshqa 
holatlarni belgilagan. 
Tahlil qilinayotgan modda muddatli harbiy xizmat, safarbarlik chaqiruvi 
rezervidagi harbiy xizmat, O‘zbekiston Respublikasi Qurolli Kuchlari 
safida harbiy xizmatni o‘tagan rezervchilar xizmati hamda muqobil 
xizmatdan bo‘yin tovlash uchun javobgarlikni belgilaydi.