Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Mahkum 
— ayblov hukmi chiqarilgan ayblanuvchi. 
Ozodlikdan mahrum qilish tarzidagi jazoni ijro etish muassasalari 
ma’muriyatining vakillari qatoriga 
rahbarlik tarkibidagi shaxslar; 
qo‘riqlash va konvoylash vazifalarini bajaruvchi ichki qo‘shinlarning 
harbiy xizmatchilari; shartnoma asosida ishlovchi shaxslar; ozodlikdan 
mahrum qilish tarzidagi jazoni ijro etish muassasalarida umumiy va 
kasbiy-texnik ta’limni amalga oshiruvchi va tibbiy xizmat ko‘rsatuvchi 
shaxslar; ma’muriy va muhandistexnik xodimlar kiradi. 
Jinoyat ijroiya kodeksining 45-moddasiga muvofiq, jazoni ijro etish 
koloniyalari, tarbiya koloniyalari, qamoqxonalar ozodlikdan mahrum 
qilish jazosini ijro etish muassasalari sirasiga kiradi. Tergov izolyatorlari 
ozodlikdan mahrum qilishga hukm etilib, xo‘jalik ishlarini bajarish uchun 
qoldirilgan shaxslarga nisbatan jazoni o‘tash muassasalari vazifasini 
bajaradi. 
Obyektiv tomondan 
tahlil qilinayotgan jinoyat ozodlikdan mahrum 
qilish jazosini o‘tayotgan shaxsning: 
1)
mahkumlarni terror qilish; 
2)
ma’muriyat vakillariga hujum qilish; 
406 

---

3)
jinoiy guruhlar tashkil qilish yoki shunday guruhlar faoliyatida faol 
qatnashishda ifodalanadigan ozodlikdan mahrum qilish jazosini ijro etish 
muassasasining ishini izdan chiqaruvchi harakatlar sodir etish orqali 
ifodalanadi. 
Faoliyatning izdan chiqarilishi 
deganda, muassasalar tomonidan, 
amaldagi qonunchilik bilan mustahkamlangan jamiyatdan ajratish bilan 
bog‘liq vazifa va funktsiyalarning bajarishga qodir bo‘lmay qolishi 
tushuniladi. 
Terror qilish 
deganda, mahkum shaxslarga nisbatan jismoniy yoki 
ruhiy zo‘rlik qilinishini, ularning xo‘rlanishini, tahqirlanishini tushunish 
zarur.