Maxsus qism iqtisodiyot sohasidagi jinoyatlar. Ekologiya sohasidagi jinoyatlar

juda ko‘p miqdordagi zarar
deganda, eng kam oylik ish 
haqining uch yuz baravaridan besh yuz baravarigacha bo‘lgan miqdordagi 
zararni tushunish lozim. 
(JKning Maxsus qismi VIII bo‘limiga qarang)
. 
Uyushgan guruh manfaatlarini ko‘zlab 
hokimiyat yoki mansab 
vakolatini suiiste’mol qilish
JKning 205-moddasi 2-qismi «b» bandi 
bo‘yicha kvalifikatsiya qilinadi. Subyektiv tomonning umumiy belgilariga 
ko‘ra mazkur holatda aybning qasd shakli intellektual elementi mansabdor 
shaxsning uyushgan guruh manfaatlarini ko‘zlab jinoyatni ongli ravishda 
sodir etishi bilan tavsiflanadi.
Uyushgan guruh
– jinoyatdagi ishtirokchilikning eng xavfli 
shakllaridan biridir. Uyushgan guruhning umumiy tushunchasi, jinoyat 
turidan qat’i nazar, JKning 29-moddasida ochib berilgan. Bunda qonunda 
belgilanishicha, uyushgan guruh tomonidan jinoyat sodir etilishi Jinoyat 
kodeksida ko‘zda tutilgan asoslarga ko‘ra og‘irroq javobgarlikni keltirib 
chiqaradi. 
(JKning 29-moddasi sharhiga qarang)
. 
Uyushgan guruhlarga nisbatan bir necha shaxslar birlashishining 
qat’iyligi belgisi konstitutsiyaviy va belgilovchi xususiyat sifatida ko‘proq 
guruh jinoiy faoliyatining nisbatan davomiyligida, uning jinoiy 
ixtisoslashuvida, shunga o‘xshash guruhlarning faoliyat doirasini bo‘lib 
olishda, har bir ishtirokchining rollari va vazifalarini aniq taqsimlashda, 
lider (tashkilotchi, boshliq) mavjud bo‘lishida, jinoiy faoliyatni muayyan 
muddatga rejalashtirishda ifoda etiladi. 
Uyushgan guruh manfaatlari
– uyushgan guruhni u yoki bu ijtimoiy 
xavfli harakatlar sodir etishga undaydigan yoxud ularni muvafaqqiyatli 
sodir etishga sharoit yaratuvchi holatlar. Bunday manfaatlarga, chunonchi, 
u yoki bu tashkilotlar faoliyati to‘g‘risida axborot taqdim etish, uyushgan 
guruhni fosh qiluvchi axborotni yo‘q qilish, uyushgan guruh manfaatlarini 
ko‘zlab jinoyat sodir etish, xususan, hokimiyat yoki mansab vakolatini 
346 

---

suiiste’mol qilish jinoiy maqsadini amalga oshirishda yordam berish va 
hokazolar kiradi. 
Qilmishni uyushgan guruh manfaatlarini ko‘zlab deb kvalifikatsiya 
qilishda huquqni muhofaza qiluvchi organlar mansabdor shaxs jinoyatni 
uyushgan guruhning manfaatlarini ko‘zlab sodir etayotganiga alohida 
e’tibor qaratishlari lozim. 
Sharhlanayotgan moddada ko‘zda tutilgan jinoyatni kvalifikatsiya 
qilishda