Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Mansabdor shaxs vakolati 
muayyan mansabni yoki vaqtinchalik yoxud 
maxsus vakolat bilan ushbu mansab bo‘yicha vazifani bajaruvchi 
shaxsning huquq va majburiyatlari tartibga solingan tegishli qonunlar, 
nizom va boshqa normativ hujjatlarda belgilangan uning kompetentsiyasi 
bilan belgilanadi. 
Mansabdor shaxsning hokimiyat yoki mansab vakolati doirasidan chetga 
chiqishi masalasini hal etayotib, uning vakolat doirasini, ularni belgilovchi 
normativ hujjatlar yoki idoraviy yo‘riqnomalarni aniq belgilab olish va 
hokimiyat yoki mansab vakolati doirasidan chetga chiqish aniq 
ifodalanganligini aniqlash lozim. 
Ushbu modda bo‘yicha kvalifikatsiya qilinishning zaruriy belgisi 
mansabdor shaxs sodir etgan g‘ayriqonuniy harakatlarning uning mansab 
vakolatlari bilan aloqasi hisoblanadi. Mansabdor shaxsning g‘ayriqonuniy 
harakatlari hamda uning hokimiyat va mansab vakolati o‘rtasidagi 
aloqaning yo‘qligi hokimiyat yoki mansab vakolati doirasidan chetga 
chiqish jinoyati tarkibini hosil qilmaydi. 
(«Jiddiy ziyon» tushunchasi haqida JKning 205-moddasi tahliliga 
qarang.) 
Agar hokimiyat yoki mansab vakolati doirasidan chetga chiqish 
1
Қаранг
: Ўзбекистон Республикаси Олий суди Пленумининг 1998 йил 17 апрелдаги «Иқтисодиёт соҳасидаги 
жиноий ишлар бўйича суд амалиётида юзага келган айрим масалалар тўғрисида»ги 11-сонли қарори 
(Ўзбекистон Республикаси Олий суди Пленумининг 2002 йил 14 июндаги 10-сонли, 2002 йил 25 октябрдаги 28-
сонли ва 2006 йил 3 февралдаги 5-сонли қарорларига асосан киритилган ўзгартириш ва қўшимчалар билан) // 
Тўплам, 1-жилд. — 124-б.
349 

---

jabrlanuvchiga qasddan og‘ir tan jarohati yetkazish bilan o‘zaro bog‘liq 
bo‘lsa, qilmish jinoyatlar majmui bo‘yicha JK 206- va 104-moddasi bilan 
kvalifikatsiya qilinishi lozim. Kaltaklash, badanga yengil va o‘rtacha og‘ir 
shikast yetkazish, hokimiyat yoki mansab vakolati doirasidan chetga 
chiqish qilmish tarkibiga kiritilib, tegishli moddalarga ko‘ra qo‘shimcha 
kvalifikatsiya qilinishi talab qilinmaydi. 
Sharhlanayotgan jinoyat tarkibining sababiy bog‘lanishi mansabdor 
shaxsning hokimiyat yoki mansab vakolati doirasidan chetga chiqish 
harakatlari va vujudga kelgan oqibatlar o‘rtasidagi sababiy bog‘lanishda 
namoyon bo‘ladi. Hokimiyat yoki mansab vakolati doirasidan chetga 
chiqqanlik uchun javobgarlik mansabdor shaxsning harakatlari huquq va 
manfaatlariga ziyon yetkazilgan jabrlanuvchi (jismoniy yoki yuridik 
shaxs)ga nisbatan u yoki bu vakolatlarga ega bo‘lganidagina vujudga 
keladi. 
Hokimiyat yoki mansab vakolat doirasidan chetga chiqishning