Maxsus fanlarni o‘qitish qonuniyatlari va tamoyillari, uslubiyoti, fanning maqsadi va vazifalari

25.Ikkinchi guruh ta’lim usullari. Kitob bilan ishlash, tajriba usuli, mashq.
II guruh ta’lim usullari esda qolganlarni tasvirlovchi o‘quv faoliyati va 2 darajada o‘zlashtirishni ta’minlovchi usullar. Ularga kitob bilan ishlash, tajriba usuli (laboratoriya ishi), mashq kiradi. Bunda o‘qituvchi bilimlarni o‘zlashtirish va mustahkamlash, yangi bilimlarni qidirish, namuna bo‘yicha harakatlarni bajarish malaka va ko‘nikmalarni shakllantirish bo‘yicha talabalar faoliyatini tashkillashtiradi
Talabalar esa bevosita o‘qituvchining boshchiligida tahlil qiladilar, taqqoslaydilar, umumlashtiradilar, tayyor namuna bo‘yicha harakatlarni bajaradilar.
Kitob bilan ishlash usuli: ta’lim berish, tarbiyalash, rivojlantirish va qiziqtirish vazifalarini bajaradi. Kitob bilan ishlash yo‘llari: o‘quv mashg‘ulotida o‘qituvchi rahbarligi ostida, uyda mustaqil.
Kitob bilan mustaqil ishlash usullari:

• 
  Uning tuzilishi bilan tanishish
  
• 
  Ko‘z yugurtirib chiqish
  
• 
  Alohida boblarni o‘qish
  
• 
  Savollarga javob qidirish
  
• 
  Referat yozish
  
• 
  Tayanch konspektlar tuzish
  
• 
  Mantiqiy tuzilmaviy chizmalarni tuzish
  
• 
  Nazorat testlarini bajarish
  
• 
  Materialni xotiradi saqlash
  

Tajriba usuli bunda talabalar o‘qituvchi rahbarligi ostida va oldindan tayyorlangan reja bo‘yicha tajribalar o‘tkazadilar yoki amaliy topshiriqlarni bajaradilar, shu jarayonda yangi bilimlarni qabul qiladilar va anglab yetadilar. Asosiy vazifasi o‘rgatish va rivojlantirish. Bu usul talabalarga quyidagi imkoniyatlarni ta’minlaydi

• 
  Jihoz bilan ishlash malaka va ko‘nikmalarini egallash
  
• 
  Ma’lum bo‘lganlarni tekshirish va mustaqil tadqiqot yo‘llarini tanlash
  
• 
  Amaliy malakalarni egallash: o‘lchash va hisoblash; natijalarni qayta ishlash va avvalgilari bilan solishtirish
  

Mashq - o‘rganilayotgan materialni amaliyotda qo‘llash maqsadida muntazam tashkillashtirilgan ko‘p takrorlanuvchan harakat. Asosiy vazifasi ta’limiy va rivojlantiruvchi. Turlari: maxsus, sharhlashga oid, yozma, og‘zaki, ishlab chiqarish