Maxsus fanlarni o’qitish metodikasi O’quv uslubiy majmua magistratura yo’nalishi

 
 
 
 
 
 
Mavzuni mustahkamlash uchun nazorat savollari: 
 
1.
Maxsus fanlarni o'qitish metodikasi fanining metodologik asoslarini aytib bering. 
2.
Maxsus fanlarni o'qitish metodikasi fanining predmeti va ob'ektini izohlang? 
3.
Maxsus fanlarni o'qitish metodikasi fanining maqsad va vazifalari nimlardan iborat?. 
4.
Maxsus fanlarni o'qitish metodikasining o'ziga xos xususiyatlarini tushuntiring? 
5.
Maxsus fanlarni o'qitish metodikasi fanining asosiy tushunchalari haqida fikr bildiring? 
6.
Maxsus fanlarni o'qitish metoddikasining umumiy tadqiqot metodlarini tushuntiring? 
7.
Maxsus fanlarni o'qitish metoddikasining maxsus tadqiqot metodlarini tushuntiring? 
 

---

2-mavzu. Oliy ta‘limda o‘qitish jarayoni yaxlit tizim sifatida. 
 
РЕЖА:
 
2.1. Yaxlit pedagogik jarayon va o‘quv jarayoni, tushunchalarining tahlili. 
2.2.Maxsus fanlarini o‘qitishda pedagog shaxsi va uning metodik ompetentligi. 
2.3. Ta’lim jarayonini loyihalash bosqichlari, qonuniyatlari va tamoyillari. 
Tayanch so’z va iboralar: “Ta’lim to’g’risida”gi Qonun, Kadrlar tayyorlash milliy 
dasturi, uzluksiz ta’lim, oliy ta’lim, bakalavr, magistr, tadqiqot metodlari, kuzatish usuli, 
suhbat usuli, o‘qitish qonuniyatlari, tashqi va ichki qonuniyatlar, o‘qitish tamoyillari, 
didaktika, faollik tamoyili, namunalardan foydalanish tamoyili, ta’lim oluvchilarning yoshi 
va individual xususiyatlarini hisobga olish tamoyili, o’qitishda nazariya bilan va 
amaliyotni bog’liqligi tamoyili, ko’rgazmalilik tamoyili, ilmiylik tamoyili, o’qitishda 
tizimlilik va izchillilik tamoyili, o’qitishning tarbiyalovchi xarakterliligi tamoyili. 
2.1. Yaxlit pedagogik jarayon va o‘quv jarayoni, tushunchalarining tahlili. 
O’zbekiston Respublikasi Davlat mustaqilligiga erishib, iqtisodiy va ijtimoiy 
rivojlanishning o’ziga xos yo’lini tanlashi kadrlar tayyorlash tuzilmasi va mazmunini qayta 
tashkil etishni zarur qilib qo’ydi. “Ta’lim to’g’risida”gi Qonunning joriy etilishi yangi 
o’quv rejalari, dasturlari, darsliklarni hamda zamonaviy didaktik ta’minotni ishlab 
chiqishni va tadbik etishni takozo qildi.
Shu nuqtai nazardan “Kadrlar tayyorlash milliy dasturi”da ta’lim jarayoni, 
mazmunini isloh qilish asosan, me’yoriy xujjatlar majmuasi (davlat ta’lim standarti, o’quv 
rejalari va dasturlari) asosida, kadrlarga ta’lim va tarbiya berish milliy istiqlol g’oyalariga 
muvofiq amalga oshirilishi alohida ta’kidlab o’tilgan. 
Uzluksiz ta’lim kadrlar tayyorlash tizimining asosi hamda O’zbekiston 
Respublikasining ijtimoiy taraqqiyotini ta’minlovchi, shaxs, jamiyat va davlatning 
iqtisodiy, ijtimoiy, ilmiy-texnikaviy va madaniy ehtiyojlarini qondiruvchi ustivor sohadir.
Ta’limning uzluksizligi shunday ma’no beradiki, inson tug’ilgandan boshlab to 
umrining oxirigacha ta’lim olish imkoniyatiga ega bo’lsin.
Bunday tizim O’zbekiston Respublikasining “Ta’lim to’g’risida”gi Qonunida o’z aksini 
topgan.
Oliy ta’lim 
– uzluksiz ta’lim tizimining yuqori malakali mutaxassislar tayyorlovchi 
mustaqil turi. U oliy ta’lim muassasalarida amalga oshiriladi. Oliy ta’lim yuqori malakali 
mutaxassislar tayyorlashni ta’minlaydi.
Oliy ma’lumotli mutaxassislar tayyorlash oliy o’quv yurtlarida (universitetlar, 
akademiyalar, institutlar va oliy maktabning boshqa ta’lim muassasalarida) o’rta-maxsus 
kasb-hunar ta’limi asosida amalga oshiriladi.
Oliy ta’lim ikki bosqichga: davlat tomonidan tasdiqlangan namunadagi oliy ma’lumot 
to’g’risidagi hujjatlar bilan dalillanuvchi bakalavriat va magistraturaga ega.