Mavzusidan metodik tavsiya

Uyga vazifa: “O`zligim – bu o`zbekligim” mavzusida tassurotlar yozish.


MAVZU: ADOLAT YAROG‘ING BO‘LSIN
(A.Temur saltanatining ma’muriy va harbiy tuzilishi, bir soatlik dars ishlanma)
Bugungi kunda ta`lim tizimining takomillashib borishi aynan global ta`lim talablariga mos ravishda amalga oshirilmoqda. Bu esa, o`z navbatida, har bir o`qituvchining o`z ustida ko`proq ishlashini, yangi-yangi dars o`tish texnologiyalarini qo`llash zaruriyatini taqozo qiladi.
Men har bir darsga tayyorlanar ekanman, avvalo quyidagilarga e`tibor qilaman: 1. Sinf o`quvchilarining yosh psixologik xususiyatlari va qobiliyati. 2. Mavzuning hajmi va ma`lumotlarning muhimlilik darajasi. 3. O`zlashtirilishi lozim bo`lgan ma`lumotlarning hajmi.
Sir emas, o`quvchilarning Yoshi va qobiliyatiga ko`ra ma`lumotlarni turlicha tarzda qabul qiladilar. Hatto, bir xil yoshdagi bolalarning ham qabul qilish tezligi farq qiladi. Shuning uchun men sinfdagi o`quvchilarni quyidagi guruhlarga ajrataman:
I. Qiziquvchan va ma`lumotlarni tez qabul qiladigan bolalar.
II. Qiziquvchan, lekin, ma`lumotlarni sekin qabul qiladigan bolalar.
III. Ma`lumotlarni qiyinchilik bilan qabul qiladigan bolalar.
Albatta, o`qituvchi o`quvchilarni oshkora tarzda guruhlarga ajratib qo`yishi shart emas, ya`ni ularga topshiriqlarni shunday tartibda berish lozimki, ular o`z imkoniyatlaridan kelib chiqqan holda uni qiziqish bilan bajarsinlar. Agar o`quvchi topshiriqlarni bajara olmasa, bu hol uni fanga nisbatan qiziqishini suslashishiga “men bu fanni bilmayman” degan tushunchaning kelib chiqishiga sabab bo`ladi.
Men o`zim dars jarayonlarida foydalanadigan didaktik o`yin va usullardan eng ko`p samara beradigan turlaridan keltirib o`tmoqchiman.
Bu usullarni quyidagi mavzu misolida ko`rib chiqamiz.


Darsning maqsadi:
a) o`quvchilarga Amir Temur saltanatining boshqaruvi;
- ma`muriy bo`linishi;
- qo`shinining tuzilishi;
- “Temur tuzuklari”haqida tushuncha berish;
b) ota-bobolarimiz xotirasiga hurmat, milliy qadriyatlarimiz va an`analarimiz hamda Vatanga muhabbat ruhida tarbiyalash.
c) Amir Temur davlati va hozirgi davr boshqaruvini taqqoslash orqali o`quvchilar bilimlarini oshirish.