Mavzular: Pedagogik mahorat haqida tushuncha, uning oʻqituvchi faoliyatidagi oʻrni va ahamiyati. Pedagogik fikr tarixi va maktab amaliyotida

Pedagogik faoliyatning oʻziga xosligi quyidagilarda namoyon boʻladi.
1. Inson tabiatning jonsiz moddasi emas, balki oʻzining alohida xususiyatlari, roʻy berayotgan voqealarni idrok qilishi va ularga oʻzicha baho beradigan, takrorlanmaydigan faol mavjudotdir. Psixologiyada ta’kidlanganidek, har bir shaxs takrorlanmasdir. U pedagogik jarayonning oʻz maqsadi, ishtiyoqi va shaxsiy xulqqa ega boʻlgan ishtirokchisi hamdir.
2. Pedagog doimo oʻsib-oʻzgarib boradigan inson bilan ishlaydi. Ularga yondashishda bir xil qolip, shakllanib qolgan xatti-harakatlardan foydalanish mumkin emas. Bu esa pedagogdan doimo ijodiy izlanib turishni talab qiladi.
3. Oʻquvchilarga pedagogdan tashqari, atrof-muhit, ota-ona, boshqa fan oʻqituvchilari, ommaviy axborot vositalari, ijtimoiy hayot ham ta’sir etadi. Shuning uchun ham pedagog mehnati bir vaqtning oʻzida jamiki ta’sirlarga va oʻquvchilarning oʻzida paydo boʻlgan fikrlarga tuzatishlar kiritib borishni nazarda tutadi.