Mavzular. Dasturiy ta’minot turlari. Operatsion tizimlar va ularning turlari. Kompyuter va mobil qurilmalarning operatsion tizimlari Ma’ruza rejasi

Nazorat va boshqaruv. OT tarkibida jarayonni boshqarish bilan birga uni nazorat qiluvchi dastur mavjud bo’ladi. Bu dastur protsessorga topshirilgan vazifani qay darajada bajarayotganligi va to’liqligini tahlil qiladi. Har bir boshqaruv bajarilgandan so’ng, holat kodi nazorat dasturiga qaytariladi va dastur uni tahlil qilib, berilgan topshiriq qay darajada bajarilganligi haqida xulosa qiladi va ma’lumot boshqaruv dasturiga uzatiladi.

Bog’lanish. OT tarkibiga kirgan barcha dasturlar bir- biri bilan chambarchas bog’langan. Bu bog’lanishlar tashqi va ichki bo’ladi. Tashqi bog’lanish bevosita OT boshqarish dasturi bilan bog’lansa, ichki bog’lanish real bajarilayotgan dasturlarning ishini ta’minlash uchun yordamchi dastur bo’ladi. Bundan tashqari hodisa bog’lanishi hodisalar ketma-ketligi bilan aniqlanadi. Ya’ni bu holda har bir hodisa bajarilish sharti tahlil qilinadi va biron-bir hodisa bajarilishi uchun albatta ma’lum hodisa bajarilishi talab qilinadi.

OT da yuqorida qayd etilgan dasturlardan tashqari, yana quyidagi yordamchi dasturlar mavjud. Bu dasturlar quyidagilarni bajaradi:

- qurilmalarning parallel ishlashini ta’minlash;

- dasturlarga parallel xizmat qilish;

- umumiy jarayonni aniqlash va boshqarish;

- sinxron jarayonga xizmat;

- kritik resurslarni aniqlash;

- lokal va umumiy ma’lumotlarni aniqlash va boshqarish;

- va boshqalar.