Мавзу:“креатив тафаккурли ўспиринларнинг ижтимоий-психологик хусусиятлари”

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


МИРЗО УЛУҒБЕК НОМИДАГИ
ЎЗБЕКИСТОН МИЛЛИЙ УНИВЕРСИТЕТИ

Факультет: Ижтимоий фанлар

5А210201- Психология (ижтимоий психология) мутахассислиги магистранти Юсупова Гулбаҳорнинг

ИЛМИЙ ТАДҚИҚОТ ИШИ ЮЗАСИДАН ЁЗГАН КУРС ИШИ

Илмий раҳбар: Психология фанлари номзоди С.Н.Акбарова

Ўқув йили: 2019-2021

Тошкент – 2021


МАВЗУ:“КРЕАТИВ ТАФАККУРЛИ ЎСПИРИНЛАРНИНГ ИЖТИМОИЙ-ПСИХОЛОГИК ХУСУСИЯТЛАРИ”
Режа:
2. Креатив тафаккурли ўспиринларнинг ижтимоий-псиҳологик хусусиятларини ўрганишда ўтказиладиган эксприментал методикалар
2.1. Ўспиринлардаги креатив тафаккур ва шахс хусусиятларини ўрганувчи методикаларнинг тавсифи
2.2. Ўспиринларда креатив тафаккур ва шахс хусусиятларини ўрганиш учун ўтказилган методик жараёнлар
2-боб бўйича хулосалар

2.1. Ўспиринларда креатив тафаккурнинг методологик асослари
Ҳозирги замон психологиясида қўлланилиб келаётган конкрет психологик методикалар ҳаддан ташқари кўпдир. Қайси метод қўлланилишидан қатъий назар барча тадқиқот тўрт босқичда олиб борилади:
Биринчи босқич-тайёргарлик босқичи. Унда ҳар хил воситалар ёрдамида материал ўрганилади, дастлабки маълумотлар тўпланади, Биринчи босқич якунида тадқиқотчи ўз тахминининг тўғри ёки нотўғрилги ҳақида тасаввурга, нима қилинган, нимадан бошлаш ҳақидаги гипотезага эга бўлади.
Иккинчи босқич - эксприментал (тажриба) босқичи бўлиб, бунда тадқиқотнинг конкрет методикаси амал қилади ва ўз навбатида бу босқич бирин-кетин қўлланиладиган қатор бўғинларга – эксперимент серияларига бўлинади. Тадқиқотнинг учинчи босқичи - тадқиқот маълумотларини сифат жиҳатидан қайта ишлашдир. У психологиянинг математик аппартини - дастлаб илгари сурилган гипотезанинг тасдиғи тарзида олинган хулосаларнинг ҳаққонийлилиги ҳақида ҳукм чиқариш имконини берадиган турли хилдаги статистик усулларни ва эҳтимоллик назариясининг асосий қоидаларини қўллашнинг тақозо қилади.
Тадқиқотнинг тўртинчи босқичи - олинган маълумотларни изоҳлаб бериш, уларни психологик назария асосида талқин қилинган, гипотезанинг тўғри ёки нотўғрилигини узил - кесил аниқлашдан, уларни синаб кўриб, аниқ хулосага келиш босқичи.