Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

Pravoslav (rus. “chin e’tiqod”) – Xristian cherkovining bo’linishi oqibatida XI asrda paydo bo’lgan diniy mazhab.
Ratusha (nem. “rat”-maslahat, “haus”-uy) – shahar kengashi binosi.
Rohib (ar.) – tarkidunyo qilgan va o’zining hayotini din yo’liga bag’ishlagan kishilar. Rohiblarda o’z uyi va oilasi bo’lmagan. Ular monastirlarda yashab, ibodat va foydali mehnat bilan mashg’ul bo’lganlar.
Salibchilar (arab.) – Katolik cherkovining da’vati bilan musulmon shaqr mamlakatlari, shuningdek yeretiklarga qarshi harbiy yurushlarda ishtirok etgan ritsarlar.
Selibat (lot. “uylanmagan”) – katolik mazhabi ruhoniylari va pravoslav rohiblari(monaxlari)ning majburiy tarzda oila qurmasligi
Sex (nem.) – o’rta asr shaharlarida bir hil kasb egalari bo’lgan hunarmandlarning uyushmasi.
Tampliyerlar (fr. “tample”-ibodatxona) – salb yurushlari davrida Falastinda tashkil etilgan diniy-ritsarlik ordeni. Ordenning birinchi qarorgohi Quddusdagi xristian ibodatxonasi yaqinidagi joylashganligi uchun shu nomni olgan. Tampliyerlar Fransiya va boshqa Yevropa mamlakatlarida faoliyat olib borganlar. Orden 1312-yilda Fransiya qiroli ko’rsatmasi bilan barham topgan.
Tevton ordeni (“Tevton” so’zi lotinchada nemis degan ma’noni anglatadi) – Salb yurushlari davrida Falastinda tashkil topgan diniy-ritsarlik ordeni. Asosan nemis ritsarlaridan iborat bo’lgan. Orden Falastinda uzoq qolmagan. Keyinchalik Boltiq dengizining sharqiy sohillarida o’rnashib, prusslar yerlarini egallab olgan va bu yerda Tevton ordeni degan davlat tuzgan.
Ushr (arab.) – Xristian cherkovi foydasiga aholidan olinadigan soliq. Yillik daromadning 10/1 qismini tashkil etgan. Musulmon mamlakatlarida ushr solig’i imtiyozga ega shaxslardan xiroj o’rniga davlat foydasiga olingan.
Yeretiklar (yun. “o’zgacha e’tiqod”) – Rasmiy cherkov ta’limoti va siyosatiga qarshi bo’lgan kishilar.
Yarmarka (rus.) – ma’lum bir joylarda yilda bir martta o’tkaziladigan katta bozor.
Xalfa (arab. “o’rinbosar”) – o’rta asr ustaxonalarida ustaning yaqin yordamchisi bo’lgan tajribali shogird.