Mavzuiy testlar, savolnoma, xronologik sanalar, atamalar Farg’оna – 2011 I bob. Yevropa ilk o’rta asrlarda

ATAMALAR LUG’ATI
Autodafe (port. “e’tiqod ishi”) – inkvizitsiya sudining hukmiga binoan yeretiklarning gulxanda yondirilishi.
Birja (nem., lot. “hamyon”) – ulgurji savdo operatsiyalari amalga oshiriladigan joy.
Birodarlik (o’zb.) – o’rta asrlarda G’arbiy Yevropada xalfalar va shogirdlarning o’z manfaatlarini birgalikda himoya qilish maqsadida tuzgan uyushmasi.
Faktoriya (ing.) – savdogarlar tomonidan boshqa mamlakatlarda tashkil etilgan savdo idorasi va manzilgohi.
Ganza (nem.) – XIV asrda Shimoliy Germaniya shaharlarning savdo va siyosiy ittifoqi.
Gospitalyerlar (fr.) – Salib yurishlari davrida Falastinda tashkil etilgan diniy-ritsarlik ordeni. Uning birinchi qarorgohi Quddusdagi Avliyo Ioann gospitali (ziyoratchilar uyi)ga joylashgan edi. Shu boisdan bu orden ioannitlar ordeni deb ham ataladi. XVI asrda ordenning qarorgohi Malta oroliga ko’chirilgan.
Indulgensiya (lot. “shavqat”) – odamlarga rim papasi nomidan gunohlardan kechish to’g’risida pul evaziga beriladigan yorliq.
Inkvizitsiya (lot. “tergov”) – o’rta asrlarda yeretiklarga qarshi kurash uchun tuzilgan cherkov sudi.
Interdikt (lot. “man etish”) – cherkov tomonidan beriladigan jazo turi bo’lib, ma’lum bir hududda diniy ma’rosimlarni o’tkazish vaqtincha taqiqlanadi.
Jonka (xit.) – O’rta asrlarda Xitoyda keng tarqalgan yirik yelkanli kemalar.
Katoliklar (yun. “umumjahon”) – Xristian cherkovining bo’linishi tufayli XI asrda vujudga kelgan diniy mazhab.
Levant (ital. “Sharq”) – O’rta yer dengizining sharqiy sohilidagi mamlakatlarning umumiy nomi.
Monastir (rus.) – tarkidunyo qilgan rohiblar (monaxlar)ning yashagan joyi. Monastirlar odatda yotoqxonalar, ibodatxona, kutubxona va xo’jalik inshoatlaridan iborat bo’lgan.
Movut (o’zb.) – jundan to’qilgan mato.