Mavzu: zahiriddin muhammad boburning hayoti va adabiy merosi

Shukrilillahkim, tushumg'a kirdi jonon bu kecha,
Aylanib komim bila garduni gardon bu kecha —
matla'li 9 baytdan iborat ishqiy g'azali esa voqeaband g'azallarning o'ziga xos namunasidir. G'azal shoirning tushida ko'rgan voqeasi, mahbub bilan uchrashuvi, u bilan muloqoti, xushbaxtligi voqeasi tasviridan iborat. Tush epizodi shoir uchun tasvir vositasi bo'lib xizmat qilgan.
Quyidagi g'azal esa tadrij san'ati asosida yuzaga keltirilgan musalsal kompozitsiyali g'azaldir. Tadrij usuli qo'llangan g'azallarda aks ettirilayotgan kechinma, fikr, manzara misra va baytlar aro darajama-daraja rivojlantirilib boriladi. Bu san'atning noyob namunalari Navoiy g'azaliyotida yuksak mahorat bilan namoyish qilingan. Munis Navoiy maktabiga xos shu usulda ham go'zal, original g'azallar ijod etgan. U Navoiyning
Yordin ayru ko'ngul mulkedurur sultoni yo'q,
Mulkkim, sultoni yo 'q, jismedururkim joni yo 'q—
matla'li mashhur g'azali ta'sirida shunday musalsal g'azal yaratgan:
Bu ne hijron shomi erdikim, oning poyoni yo'q,
Vasl subhining tulu' etmak dame imkoni yo 'q.
Yorsiz xayli torojlar solg'on ko'ngul,
Goʻyiyo bir kishvaredurkim, oning sultoni yo'q.
Gulshani komim hazon o'lmish sarosar oylakim,
Bargi ham yo 'qtur demaykim, bir guli xandoni yo 'q.
Zavqi diydoru jamoli shohidu tavfiqa ishq,
Har ko'ngulkim, onda yo'qtur, paykaredur joni yo'q...
Shermuhammad Munis bir qancha zavqli tuyuqlar ham yaratib, o'zi yangidan kashf etgan tajnis (omonim) so'zlardan qofiyalar tuzgan. Munis tuyuqlari ichida ungacha o'tgan shoirlar tomonidan qofiya sifatida ishlatilmagan ko'pma'noli so'zlar tajnisli qofiyalar bo'lib keladi:
Muniso, to 'kmay yigirma yetti yosh, Vah, yigirma yetti uzra yetti yosh.
Yosh kibi mashg'ulliq qilmoq nedur, Har qachonkim suhbatingga etti yosh.
Mani vasling yo'lig'a bir yondur, Dushmanim g'am o'tig'a bir yondur,