mavzu Yuksak ma’naviyatli shaxsni shakllantirishning nazariy-metodologik asoslari – ma’ruza mashg‘uloti texnologik modeli

Tayanch tushunchalar
Baynalminallik – bu barcha xalqlar bilan do‘st bo‘lib, tinchlik va taraqqiyot uchun kurashga chorlovchi faoliyat. Bu axloqiy qoida sifatida vatanparvarlikni boyitadi va ayniqsa o‘z milliy qobig‘iga o‘ralib qolishga yo‘l bermaydi.
Bag‘rikenglik – bu qadimiy qadriyat bo‘lib, o‘zgalarning turmush tarzi, xulq-atvori, odatlari, his-tuyg‘ulari, fikr mulohazalari, g‘oyalari va e’tiqodlariga nisbatan toqatli bo‘lishdir.
Vatan (arabcha «vatan» - ona yurt ) deganda – kishilarning yashab turgan, ularning avlod va ajdodlari tug‘ilib-o‘sgan joyi, hududi, ijtimoiy muhiti, mamlakati tushuniladi. Vatan, eng avvalo, ob’ektiv muhit, borliq, zamin bilan bog‘liq bo‘lgani uchun kishi ongida aniq tasvir, qiyofa, siymolar tarzida shakllanadi.
Vatanparvarlik – bu ona zaminga bo‘lgan muhabbat, uni sevish, e’zozlash. Vatan ravnaqiga har bir fuqaroning o‘z hissasini qo‘shishga erishishi.Vatanparvarlik – bu ona - Vatan, mustaqil O‘zbekiston tushunchalarini o‘z ongiga singdirish va unga sodiq bo‘lishga erishish.
Insonparvarlik – odamzotning qadri, uning erkinligi, qobiliyatlari har tomonlama namoyon bo‘lishi uchun kurashishi, insonning baxt-saodati, teng huquqligi, adolatli hayotini ta’min etishga intilish, insoniylikning barcha tamoiyllari yuzaga chiqishiga shart-sharoitlar yaratish ma’nosini anglatadi.
Insoniy sifatlar – insoniylik, ezgulik, chidamlilik, vijdonlilik, halollik, javobgarlik, haqqoniylik, beg‘arazlik, saxiylik, insonlarga nisbatan hurmat, yuksak axloqlilik, muloqotga ehtiyoj, hayrihohlik va h. k. (Alisher Navoiy).
Insonparvarlik – insonni ulug‘lash va sevish.

Adabiyotlar

1. 
   Ma’naviyat. Asosiy tushunchalar izohli lug’ati. T -2016
   
2. 
   Karimov I.A. Yuksak ma’naviyat - yengilmas kuch. –T.: Ma’naviyat nashriyoti, 2008 y.
   
3. 
   Ibrohimov A., Sultonov X., Jo‘raev N. Vatan tuyg‘usi. –T.: O‘zbekiston, 1996. – 17-18 betlar.
   
4. 
   Mavlonova R.A. Pedagogika, T., O‘qituvchi, 2010
   
5. 
   Barkamol avlod orzusi // Tuzuvchilar Sh.Qurbonov, H.Saidov, R.Ahliddinov. – Toshkent: Sharq nashriyoti – manbaa konserni Bosh tahririyati, 1999. – 172 – bet.