Mavzu: Yo’l belgilarining o’rnatilishi Reja: Yo’l belgilarining guruhlari

3.14. "CHeklangan kenglik"
Ushbu belgi tor yo’lak, tonnelь, ko’prik va estakadalar oldida o’rnatiladi hamda gabarit kengligi belgida ko’rsatilganidan ortiq bo’lgan transport vositalarining harakatini taqiqlaydi. Gabarit kengligi tor yo’llardan yurish imkoniyatini bermaydigan transport vositalarining ushbu belgiga amal qilmasligi oqibatida yo’l inshootlariga shikast yetishi, boshqa transport vositalari harakatiga xavf solishi mumkin. Tegishli ruxsatnomasi bo’lmay turib yirik gabaritli transport vositalari bilan yo’lga chiqilsa yoki ruxsatnomada ko’rsatilgan harakat yo’nalishidan chetga chiqilsa, fuqarolarga eng kam oylik ish haqining 10 baravari, mansabdor shaxslarga 15 baravari miqdorida jarima belgilanadi yoki 6 oygacha muddatga transport vositasini boshqarish huquqidan mahrum etiladi.
3.15. "CHeklangan uzunlik"
Ushbu belgi uzun transport vositalarining ko’p burilishli tor ko’chalarda harakatlana olmasligi va boshqa harakat ishtirokchilariga xalaqit bermasligi maqsadida o’rnatiladi. Bu belgi gabarit uzunligi belgida ko’rsatilgandan uzun bo’lgan transport vositalarining harakatlanishini taqiqlaydi. Agar belgida nazarda tutilgan transport vositalari taqiqlangan yo’ldan harakatlansa, eng kam oylik ish haqining 0,5 baravari miqdorida jarima belgilanadi.
Mashg’ulot yakuni:
1. Faol ishtirok etgan ta’lim oluvchilarni baholaydi va rag’batlantiradi.
Uyga vazifani berilishi:
2. Kelgusi mashg’ulotga vazifa va uni bajarish yuzasidan yo’riqnoma beradi.
Mavzu: Yo’l harakatini tashkil etishda chiziqlarning ahamiyati
Reja:
1. Yo’l harakatini tashkil etishda chiziqlarning ahamiyati. Yo’l chiziqlarining turlari.
2. Yotiq chiziqlar. Yotiq chiziqlarning vazifasi. Har bir yotiq chiziqning rangi va qo’llanish shartlari.
3. Yotiq chiziqlarning talablariga muvafiq haydovchining hatti-harakati.
Vizual materiallar.
Yo’l harakatini tashkil etishda chiziqlarning ahamiyati
Yo’l chiziqlari harakatlanishni tashkil etishda muhim vosita hisob lanadi. Yo’lning qatnov qismi yuzasidagi chiziqlar, ishoralar, yozuvlar va boshqa belgilar harakatlanish tartibini belgilaydi. Bu chiziqlar yo’l yuzasiga, yo’l qismlariga, yo’l inshootlarining tik elementlari, ustun va to’sinlariga chiziladi.