Mavzu: Xorijiy davlatlarda mavjud kredit turlari Reja

Xorijiy davlatlarning bank amaliyotida foydalaniladigan kreditlash shakllari.

Kreditlash borasida xorijiy amaliyot va tajribaga nazar tashlar ekanmiz, ko‘p mamlakatlarda xususan rivojlangan mamlakatlarda yoki yuqori iqtisodiy o‘sish sur’atlariga ega mamlakatlarda kreditlash amaliyotining ancha rivojlanganligini ko‘rishimiz mumkin.

Jahonda keng qo‘llaniladigan kreditlash shakllaridan biri sifatida faktoringni ta’kidlash mumkin, bu kreditlash shakli jahon amaliyotida Tovar va xizmatlar yetkazib beruvchining pul mablag‘lari bilan taminlashda eng maqbul moliyaashtirish usullaridan biridir va muddati ham qisqaligi (asosan 90 kungacha) faktoring bilan shug‘ullanuvchi banklar va kompaniyalar uchun juda qulaylik tug‘diradi. Rivojlangan mamlakatlarda banklardan ham ko‘ra bu kreditni faktoring kompaniyalari ko‘plab taqdim etadilar, jahonda 2017-yilda 2.4 trln yevrodan ortiq, 2018- yili esa 2.6 trln yevrodan ortiq faktoring kreditlari ajratilgan.¹

Mintaqalar borasida olib qaraydigan bo‘lsak faktoring Yevropada juda rivojlangan kreditlash shakli hisoblanadi (jahon faktoring bozorining qariyb 68,3 % ulushi shu mintaqaga hissasiga to‘g‘ri keladi), keying o‘rinda esa Osiyo mintaqasini aytish mumkin (Osiyo minyaqasining jahon faktoring bozoridagi ulushi 24,3 % ni tashkil etadi).