Mavzu: Tutashma elemendlari va uning amaliy tadbig’i

Ikkita aylanani uchinchi aylana yoyi bilan tashqi tutashtirish. Ikkita O₁ va O₂ markazli aylanalarni berilgan tutashtirish radiusi R bilan tutashtirish uchun oldin R₁ +R radiusda O₁ dan keyin, R₂ + R radiusda O₂ dan yordamchi yoylar chizib, ular kesishtiriladi. Shunda tutashtirish markazi O
aniqlanadi (11.1-chizma, a). O bilan O₁, O bilan O₂ markazlar tutashtirilsa, aylanalarda o‘tish nuqtalari A va B lar topiladi. O orqali A va B nuqtalar
tutashtiriladi (11.1-chizma, b). 11.2-chizmada bu tutashma turiga misol keltirilgan.
Ikkita aylanani uchinchi aylana yoyi bilan ichki tutash- tirish. Misol. Radiuslari R₁ 30 mm, R₂ 15 mm li aylanalarni R 50 mm li radius bilan ichki tutashtirilsin (11.3-chizma,
a). Buning uchun ikkita O₁ va O₂ markazli aylanalarni berilgan tutashtirish radiusi R bilan ichki tutashtirish uchun oldin R– R₁ radiusda O₁ markazdan, keyin R– R₂
radiusda O₂ markazdan yordamchi yoylar chizilib, ular
o‘zaro kesishtiriladi. Shunda tutashtirish markazi O hosil
bo‘ladi (11.3-chizma, a). O bilan O₁ tutashtirilib, uning davomida aylanada
A, O bilan O₂ tutashtirilib, uning davomida ikkinchi aylanada B o‘tish nuqtalari aniqlanadi (11.3-chizma, b). O orqali A va B nuqtalar sirkulda
tutashtirilsa, ichki tutashma yasaladi. 11.4-chizmada mazkur tutashmaga misol keltirilgan.
11.5-chizmada tutashmali detalni bosqichlarda chizilishi ko‘rsatilgan.