Мавзу: Томатдош сабзавотлар навлари тавсифи Томатдош сабавотлар

Навлари. Марказий Осиёда бақлажоннинг асосан қуйидаги навлари тарқалган, Болгарский 87 ўртапишар, Аврора, ереванский.
Қалампир ва бақлажон жуда иссиқсевар бўлиб, ўсув даври майсалар кўрингандан мевалари етилгунча -120-160 кун .Кундузги ҳарорат 25⁰дан ва тунгиси 15-18⁰ дан бошлаганда ўсимлик яхши ўсиб ривожланади. Ҳарорат 11-13⁰ бўлганда ўсимликлар ўсишдан тўхтайди ва -0,5-1⁰ совуқда нобуд бўлади.
Бақлажон ва қалампир помидорга қараганда иссиқни кўпроқ талаб қилади, унинг ўсув даври бирмунча узун. Уруғи 13-14⁰да уна бошлайди, ўсиши ва ривожланиши учун энг қулай ҳарорат 20-30⁰. Ҳарорат 20⁰дан паст бўлганда гулларнинг чангланиши ва меваларнинг ўсиши тўхтаб қолади. 15⁰дан паст ҳароратда эса гул ва тугунчалари ёппасига тўкилиб кетади. Ҳарорат 1⁰ га яқинлашганда ўсимликлар нобуд бўлади.
Агротехникаси. Бақлажон ва қалампир алмашлаб экишда, одатда, улар илдизмевалилар, пиёз, полиз экинлари ва карамдан кейин помидор билан бир далага жойлаштирилади.
Қалампир ва бақлажондан бирмунча мўл ва эртаги ҳосил олиш учун уларнинг кўчатлари диаметри 6-8 смли чиринди тувакчаларда етиштирилади.
Ўзбекистонда помидор етиштириладиган майдонларга кузги шудгорлаш даврида ҳар гектар ерга 20-30т гўнг, 4-5 тс суперфосфат солиш, ўсув даврида эса гектарига 100-120 кг ҳисобида аммиакли селитра билан экинларни 1-2 марта озиқлантириш тавсия этилади.
Майсалар 5-6 та барг чиқарганда апрел ойининг бошлари (жанубий туманларда) ёки иккинчи ярмида кўчатлари далага ўтказилади. Қалампирларни, айниқса, тезпишар навларини май ойининг биринчи ўн кунлигида ҳам экиш мумкин.
Қалампир кўчатлари қатор оралари 60-70 ва тўп оралари 20-30 смдан қилиб қаторлаб ёки 70х70 см схемада квадрат уялаб экилади ва ҳар уяда иккитадан кўчат колдирилади. Бақлажон 40х50 см оралиқ билан қаторлаб ёки 70х70 см схемада квадрат уялаб экилади. қалампирлар ва айниқса бақлажон намга талабчан экин. ер ости суви чуқур жойлашган бўз тупроқли ерларда чучук қалампир ва бақлажон ўсув даврида 15-16 марта, қалампирлар эса 12-13 марта суғорилади, қатор ораси икки марта чопилади. Аччиқ қалампирлар одатда меваси (уруғи) тўла пишган даврида 2-3 марта териб олинади.
Бақлажон техник жихатдан етилганда бирмунча йириклашади, пусти тўқ бинафша рангга кириб, усти ялтираб туради. Ҳосили 5-7 кун оралатиб банди билан ўзиб олинади.