Mavzu: strategiyani amalga oshirish: kompetentlik, qayta tashkil etish va struktura

Tayanch ko‘nikmalar rahbarlarning jiddiy e’tiborisiz shakllanmaydi va strategik yetuklikka erishmaydi.
Minimal moliyaviy xarajatlarni ta’minlash uchun «Gray» (katta EHMlar), «Lotos» (programma ta’minoti), «Honda» (kichik dvigatellar) kompaniyalari iqtidorli mutaxassislar guruhini qayta tashkil etib, ularni maxsus loyihalarni bajarishga yo‘naltiradilar. Ichki aqliy potensialni safarbar qilish orqali kompaniya muvaffaqiyatga erishadi. Ushbu kompaniyalar katta operatsiya smetalari hisobiga emas, balki faoliyatni ustakorlik bilan tanlash, tayyorgarlikka e’tibor berish, kuchli madaniy ta’sir qilish, hamkorlik, motivlash, vakolatlar, tashkiliy moslashuvchanlik, ma’lumotlar bazasining sifatliligi hisobiga muvaffaqiyatga erishadi.
Tayanch ko‘nikmalar shakllanib, o‘z natijasini bera boshlagandan keyin ham strategiyani amalga oshirish uchun javobgar shaxslarning tinchlanishga haqi yo‘q. Bozordagi vaziyatni o‘zgarishini e’tiborga olib, ko‘nikmalarni doimo kengaytirish, guruhlash va rivojlantirish lozim. Chunki ko‘nikmalar kompaniyani raqobat ustunligini yaratadi. Kompaniyani o‘ziga xos maxsus ko‘nikmalarini raqobatchilar o‘zlashtirishi juda mushkul. Shu sababli maxsus ko‘nikmalar uzoq muddatli ustivor raqobatbardoshlikni ta’minlaydi.
Ishchilarni o‘qitish. Malakaviy tayyorgarlik strategiyani amalga oshirishga xizmat qiladigan muhim elementlardan hisoblanadi. Texnik sakrashlar ro‘y beradigan firmalarda ishchilarni o‘qitish juda muhim omildir. Chunki kadrlar bilim va ko‘nikmada orqada qolsalar, kompaniya o‘z raqobatdoshligini yo‘šotadi. Rahbarlar kadrlarni tayyorlash tizimi xizmati zamonaviy adabiyotlar va resurslarga ega bo‘lishini nazorat qiladilar. Agar tanlangan strategiya yangi ko‘nikmalarni va texnologik «Nou-xau»ni talab qilsa, o‘qish tayyorgarlikning oldingi o‘rinlarida bo‘ladi.


Strategiyani tashkiliy strukturaga moslashuvi.
Strategiyani tadbiq etishga xizmat qiladigan umumiy tashkiliy kadrlar soni odatda ko‘p emas. Har bir firmaning tashkiliy strukturasi o‘ziga xosdir, u oldingi tashkiliy strukturalarni inobatga olib, rahbarlar topshiriqlarni taqsimlashni oldingi siyosatini va ichki muhitini aks ettiradi. Bundan tashqari har bir strategiya alohida omillarga va faoliyatga asoslanadi. Shu sababli tashkiliy strukturaga individual yondashuv maqsadga muvofiq.
Strukturani strategiyaga moslashtirishda quyidagi tavsiyalar foydalidir:

1. 
   Strategiyani tadbiq etish nuqtai-nazaridan tovar narxini yaratuvchi asosiy faoliyat turlarini va tayanch faoliyatlarni aniqlashi va ushbu faoliyatlar asosida tashkiliy strukturalarni yaratishi lozim.
   
2. 
   Agar strategiya bilan bog‘liq hamma ishlarni bitta menejerning zimmasiga yuklash mumkin bo‘lmasa, unda bo‘limlarni faoliyatini alohida muvofiqlashtirishga to‘g‘ri keladi.
   
3. 
   Markazlashish va markazlashmaslik muvozanatini ta’minlash maqsadida har bir tashkiliy birlikni boshqaruvini amalga oshirish uchun vakolatlar doirasini aniqlash maqsadga muvofiq.
   
4. 
   Ikkinchi darajali ishlarni tashqi firmalar bajarishini tahlil šiling. Ba’zi ishlarni firmani o‘zi emas, tashqi tashkilotlar bajarishi ma’qul bo‘lishi mumkin.