Mavzu: "soliqlar va soliqqa tortish" faniga kirish

1-MAVZU: “SOLIQLAR VA SOLIQQA TORTISH”
FANIGA KIRISH
Mazkur mavzu bo‘yicha quyidagi savollarga javob bering:

1. 
   “Soliqlar va soliqqa tortish” fanining predmeti nima?
   

J: Fanning predmeti soliq voqe’liklari pul munosabatlarini o’rganishdan iborat bo’ladi. Bu pul munosabatlari soliq to’lovchilar (yuridik va jismoniy shaxslar) bilan soliqni o’z mulkiga aylantiruvchi (soliq oluvchi) davlat o’rtasidagi munosabatlardir. Fanning mohiyati shu o’rtadagi munosabatni chuqur o’rganish, ularni to’g’ri tashkil qilishni ta’minlashdir. To’g’ri tashkil etish deganda soliq munosabatida qatnashuvchi tomonlarning iqtisodiy manfaatini e’tiborga olish, muvozanatni saqlash kabi munosabatlarni tashkil qilish tushuniladi.

2. 
   “Soliqlar va soliqqa tortish” fanining boshqa fanlar bilan bog’liqligi izohlang.
   

J: Soliqlar va soliqqa tortish fani soliq nazariyasi fani bilan chambarchas bog’liqdir, uning maxsus bo’limi, ya’ni chuqurlashtirilgan va kengaytirilgan bo’limidir. Chunki soliq nazariyasi qonuniyatlari umumiqtisodiy nazariya qonuniyatlaridan chetga chiqib keta olmaydi, ularga asoslanadi va rivojlantiriladi. Soliq munosabatlari moliya munosabatlarining tarkibiy qismi bo’lganligi bois, soliqlar va soliqqa tortish fani ham moliya nazariyasi fani bilan chambarchas bog’liq. Soliqlar va soliqqa tortish fanining o’ziga xos xususiyatlari soliq to’lovchilar bilan davlat o’rtasidagi majburiy xarakterga ega bo’lgan pul munosabatlarini o’rgatadi. Soliqlar va soliqqa tortish fani davlat byudjeti fani bilan ham o’zaro bog’liqdir. Chunki soliqlar oxir oqibatda byudjet daromadlarini shakllantiradi. Soliqlar (daromadlar) bo’lmasa byudjet munosabatlarining o’zi bo’lmaydi. Bu fan chet mamlakatlar soliq tizimi, moliyaviy hisob, soliq qonunchiligi asoslari, soliqlarni prognoz qilish fanlari bilan ham chambarchas bog’liqdir.

3.