Mavzu: Rubidiyning xom ashyo manba'lari

Mavzu: Rubidiyning xom ashyo manba'lari.

Reja:

1. Rubidiyning tabiatda tarqalishi.

2. Fizik va kimyoviy xossalari.

3. Olinishi. Qotishmalari. Ishlatilishi.

RUBIDIY (Rubidium, lot. Rubidus spektral chiziqlarning ranggi bo‘yicha (qizil, qo‘ng‘ir-qizil) Rubidiy (Rb) – kimyoviy elementlar davriy jadvalining I guruh elementi; tartib raqami 37, atom massasi 85,47. Tabiatda rubidiyning ikkita izotopi mavjud. 85 (72,15%) va 87 (27,85%); oxirgisi β-radiofaoldir (T1/2= 5·10¹⁰yil).

1861-yilda R.Bunzen va G.Kirxgof tomonidan Dyurkgeyma (Germaniya) suvlarini tadqiq qilib spektral analiz yordamida kashf qilingan. Metall holatidagi rubidiy birinchi bo‘lib Bunzen tomonidan 1863-yilda rubidiy gidratartratini RbHC4H4O6 uglerod bilan qaytarib olingan.

Rubidiyning tabiatdagi radiofaolligi Kempbell va Vud tomonidan 1906-yilda ionlantirish usuli orqali aniqlangan va V.Strong tomonidan 1909-yilda fotoemulsiya yordamida tasdiqlangan. 1930-yilda L.V.Misovskiy va R.A.Eyxelberger Vilson kamerasi yordamida radiofaollik beta-zarrachalarni chiqarib amalga oshishini tasdiqladi.