Mavzu Raxit. Tasnifi, klinikasi, kasallikni kechishi va davri. Raxit – qanday kasallik?

Diagnostika
Raxitda laborator va instrumental tekshirish usullari quyidagilarni qamrab oladi: Qonning bioximik tahlili(kaltsiy, fosfor konsentratsiyasi, ishqoriy fosfataza aktivligi), siydikning Sulkovich buyicha tahlili, skeletning rentgenologik tahlili. Densitometriya va sutkalik siydikda kaltsiy, fosfor, azot konsentratsiyasini ham aniqlash mumkin.
Raxitning avj olgan davrida ishqoriy fosfatazaning aktivligi oshadi (400ED/l dan oshadi), fosfor konsentratsiyasi (0,65mmol/ gacha), kaltsiy (2,0-2,2mmol/lga)pasayadi. Kaltsiy–fosfor nisbati qon zardobida normada 2:1, raxitning avj olgan darida 3:1 – 4:1 oshadi. Sulkovich bo‘yicha siydikning tahlili siydikda kalsiyning konsentratsiyasini aniqlashga asoslangan. Raxitning avj olgan davrida bu sinama manfiy bo‘ladi.Bu sinamani o‘tkazish uchun Sulkovich reaktividan foydalaniladi:щavel kislatasi – 2,5g, щavelkislotasining ammoniyli tuzi – 2,5, muzday sirka kislotasi – 2,5g, distillangan suv – 150ml.
Sulkovich sinamasini o‘tkazish: Etalabki olingan 5 ml siydikka 2,5ml Sulkovich reaktivi solinadi, 2 minutdan keyin xiralashish bo‘lmasa reaksiya (-), ozroq xiralashish bo‘lsa reaksiya (-+), intensiv xiralashish bo‘lsa reaksiya (-++), qonda kalsiy miqdori 2,25 – 2,75 mmol/lga teng, reaktiv solingan zahoti intensiv xiralashish bo‘lsa reaksiya (+++) giperkalsemiyadan dalolat beradi. Raxitda rentgenogrammada xarakterli o‘zgarishlar ko‘zatiladi: osteoporoz, metafizar sohaning kengayishi, kortikal qavatning noziklashishi, naysimon suyaklarning deformatsiyasi. Tuzalish davrida dastlabki suyaklanish chiziqlari paydo bo‘ladi.