Мавзу: Психоанализ таълимоти

Психоанализ таълимоти мазмуни

1-Таъриф. Психоанализ - 19-аср охири - 20-аср бошларида австриялик невролог ва психиатр Зигмунд Фрейд томонидан ишлаб чиқилган психологик назария, шунингдек, психоанализ - руҳий касалликларни даволаш усулидир.

2-Таъриф. Психоанализ - бу инсон психикасини ўрганиш усули, замонавий психотерапиянинг асоси саналади. Яъни психика билан ишлашнинг энг чуқур усули. Яъни инсоннинг индивидуал психикасини кўриш, ўрганиш ва ўзгартириш имконияти, шунингдек, жамиятда содир бўлаётган оммавий жараёнларни билиш ва тадқиқ қилиш усулидир.

3- Таъриф. Психоанализ – бу ўзини ўзи билиш амалиёти. Инсон бошқаларни билишдан олдин аввало, ўзини билиши керак. Психоанализ таълимотининг асосий ғояси шуки, бизнинг асосий руҳий ҳаётимиз онгимиздан ташқарида содир бўлади. Яъни онгсизлик тубидан - тушлар, аломатлар, ташвиш, қўрқув, депрессия, уйқусизлик, норозилик каби кечинмалар юзага келади. (Онгсизлик таълимоти)

Онгсизлик ҳодисаси

• З.Фрейддан олдин психологлар фақат онгни, яъни биз маълум бир вақтнинг ўзида хабардор бўлган нарсани ўрганиш зарур ва мумкин, деб ҳисоблашган.
• Фрейд биринчи бўлиб психиканинг асосий қисми сифатида, онгсизлик ҳақида гапирди. Фрейднинг фикрича, бизнинг психикамизга онгсизликдан ҳамма нарса шаклланади. У икки гуруҳ элементлардан иборат.
• Биринчи гуруҳ- бу ибтидоий инстинктлар бўлиб, улар ҳеч қачон онгли бўлмаган ва умуман уларни англаш мумкин эмас.
• Иккинчи гуруҳ - бу ҳис-туйғулар, бир пайтлар онгли бўлган хотиралар, аммо кейин гўё “унутилган” ва онгдан олиб ташланган ("кўчирилган"). Масалан, болаликдаги травма, яширин душманлик ҳисси ва бостирилган жинсий истаклар.

Психоанализ таълимотининг асосий ғояси

Онг ва онгсизлик

Фрейд инсон онгининг уч таркибий моделини таклиф қилди:

1.Онг - бу бизнинг ҳозирги фикрларимиз, ҳис-туйғуларимиз ва интилишларимиз маҳсули. ( кеча ва бугун қилган ва кечирган ҳислар ва ақлий жараёнлар)