Mavzu: Polimerli materiallar O`qituvchi: t f. n., dots. Xabibullayev Sh. A

Epoksidli polimerlar epixlorgidrin asosida organik sintez natijasida olinadi. Odatda epoksid smolasi jigar rangli qovushoq holda bo‘ladi. Epoksid smolasi agressiv muhitlarga chidamli, u asosidagi kompozitsion materiallar yuqori mustahkamlikka egadir.
Epoksid polimeri asosida pastalar, mastikalar, qorishmalar, betonlar tayyorlanadi. Epoksid yelimlari bilan metall, keramika, yog‘och, shisha, beton va boshqa materiallar yelimlanishi mumkin. Epoksid polimeri asosidagi kompozitsion materiallar issiqqa bardoshliligi 100-1500C.
Furanli polimerlar (furfurol-asetonli monomer) furfurol va aseton polikondensatsion sintez qilib olinadi. Monomer to‘q jigar rangli, o‘tkir xidli suyuqlik bo‘lib, tarkibiga 15-25% benzolsulfokislota singari kuchli kislotalar qo‘shilganda qattiq holatga o‘tadi. Furan polimeridan tayyorlangan kompozitsion materiallar (mastika, qorishma, beton va sh.k.) konsentrlangan kislotalarga chidamli bo‘ladi. Shuning uchun ular kimyo sanoatida, mineral o‘g‘itlar saqlashda, maxsus inshootlar qurilishida ishlatiladi. Furan polimerlari asosidagi qurilish buyumlarini turar joy binolarida ishlatishga ruxsat berilmaydi.
Poliefirli polimerlar ko‘pasosli kislotalarni spirtlar bilan birga polikondensatsiyalab olinadi. Xom ashyo zaxiralarining ko‘pligi, nisbatan arzonligi, poliefir polimerlari asosidagi kompozitsion materiallarning sanitariya-gigiena talablariga javob berishi ulardan shishaplastiklar, nur o‘tkazuvchan va rangli bezak qoplamalari, sanitariya-texnika buyumlari (unitaz, vanna va sh.k.), fasad uchun lok va bo‘yoqlar tayyorlash imkonini beradi.
Poliefir qorishma va betonlari asosida sun’iy granit, marmar va boshqa bezak toshlar olish mumkin. Polimerlar nordonlashtiruvchi konsentrlangan kislotalarga, xlorli muhitlarga, suvga va boshqa agressiv qorishmalarga chidamlidir.
Poliamid polimerlari ikki asosli kislotalar va diaminlarni polikondensatsiya reaksiyasi asosida olinadi. Ular gidroizolyatsiya qoplamalarida, beton va qorishmalar uchun modifikator sifatida va boshqa joylarda ishlatiladi.