Mavzu: Planimetriyani o’rgatishda takrorlash texnologiyasini tashkil etish. Tayyorladi : Meyliyeva Shahrizoda

Kurs ishining ob’yekti: Umumiy o’rta ta’lim maktablarida geometriya kursini o’qitish jarayoni.

Kurs ishining predmeti: Planimetriya kursini o‘qitishda pedagogik texnologiyalar va takrorlash texnologiyasini qo’llash asosiy tushunchalari, shakl va vositalari.

• 
  Mavzuga oid ilmiy-metodik, pedagogik-psixologik adabiyotlarni o‘rganish, darslik, dasturlarni tahlil qilish va xulosalarni umumlashtirish;
  
• 
  - Planimetriya kursini o‘qitishda pedagogik texnologiyalar va takrorlash texnologiyalarni qo’llash asosiy tushunchalari o’rganish orqali uning dolzarb muammo ekanligini ko’rsatish;
  
• 
  - Planimetriya kursini o‘rganish jarayonida o‘quvchilarni takrorlash texnologiyasi asosida mustaqil ishlarini tashkil qilish
  
• 
  - Takrorlash texnologiyasi amalga oshirilgan darsdan na'munalar tayyorlash
  

I BOB . TAKRORLASH TEXNOLOGIYASINI TASHKIL ETISH YO’LLARI

Takrorlash texnologiyasi haqida tushuncha va uni tashkil etish yo’llari

Takrorlash texnologiyasining asosiy mazmuni - bu ilgari o’zlashtirilgan bilimlarni mustahkam o’zlashtirish maqsadida ularni ikkinchi bor tushunish orqali takrorlab olish hisoblanadi. O’quvchilar o’z bilimlarini yangi manbalar bo’yicha anglab oladilar va chuqurlashtiradilar yoki ularga ma’lum bo’lgan qoidaga yangi masalalar yechadilar, ilgari olgan bilimlarini og’zaki va yozma takrorlaydilar yoki ilgari o’rganganlarini yanada chuqurroq va mustahkam o’zlashtirish maqsadida ulardan alohida masalalar bo’yicha axborot beradilar.
Takrorlash texnologiyasi asosida tuzilgan darslar ilgari o’tilgan materialdan eng muhim savollari qayta takrorlanadigan va tizimlashtiriladigan, o’quvchilar bilimlarida mavjud kamchiliklari to’ldiriladigan va o’rganilayotgan kursning muhim g’oyalari ochib beriladigan darslar hisoblanadi.Takrorlash darslari mavzu, bo’lim va o’quv kurslarining yakunida o’tkaziladi. Takrorlash texnologiyasi asosida tuzilgan darslar yangi materialni o’rgatish darslaridan tubdan farq qiladi.