Mavzu: pedagogik konfliktologiyaning mohiyati, obyekti, predmeti, maqsadi, vazifalari va fan sifatida paydo bo’lishi. Mundarija

2.2. KONFLIKT SIGNALLARI
Konflikt signallari konfliktning to`la namoyon bo`lishidan oldin tomonlar o`rtasidagi odatdagi tug`ri munosabatlar o`rtasida kelishmovchilik, inqiroz, o`zaro tushunmovchilik, g`ayirlik, ayrmakashlik vujudga kelayotganligini namoyon etadi. Konflikt signallariga bee'tiborlilik uning kelgusida rivojlanib ketishi uchun asos bo`lib xizmat qiladi. Shu bois, konflikt signallarini bilish va ularga e'tiborli munosabat talab qilinadi. Konflikt signallariga inqiroz, tomonlar o`rasidagi tanglik, tushunmovchshik, intsidentlar, diskomfort kiradi.
Ularning mazmunini tushunish, ularga nisbatan mutanosib munosabat odatda konfliktning erta anglanishi, inqirozning oldi olinishi va uning hal etilishi uchun asos bo`lib xizmat qiladi.

Inqiroz

Tomonlar orasidagi ma'lum ijtimoiy, iqtisodiy, ma'naviy inqiroz darrov bilinadi. Agar biror kishi o`zining do`sti, xamkori, yoki tanishi bilan o`z munosabatlarini birdaniga va sababsiz o`zib qo`ysa, u bilan gaplashishidan o`zini saqlasa, xafa bo`lib yursa, uni turli qarama qarshi fikrlar qiynasa, bu - konfliktdagi inqirozning vujudga kelganligiga ishoradir. Bu holatlarda inqiroz, yoki xal etilmagan o `ziga xos konflikt belgilari xisoblanadi. Shu bilan birga, boshqa tomonga nisbatan ishlatilgan zo`ravonlik, taxdid, shantaj kabilar ham inqiroz vaziyatining mavjudligini ko`rsatadi. Juda qattiq bahs yuritish, bahsda tomonlarning bir-birini
ayamasligi,o`zaro taxdidlarning qo`llanilishi ham inqiroz vaziyatining ko`rinishlari xisoblanadi. Inkirozni ko`rsatuvchi yorqin belgilardan biri kishi o`z emotsiyalarini ushlab tura olmasligi, o`z emotsiyalari vaxis-tuyg`ulariga erk berishi, sukishish, yomon so`zlar ishlatish, birovni taxqirlash kabilardir.Odam bu vaziyatda o`z emotsiyalari ichiga kirib ketib, o`z fikrlarida qarshi tomonni “u yoki bu qilishga” jazm ham qiladi. Bu vaziyatlarda tezda inqirozning mavjud ekanligini tan olish, o`zini emotsional tinchlantirish, inqiroz vaziyatini vujudga keltirgan sabablarni tahlil qilish, o`zini
mo`zokaralarga hozirlash, qarshi tomon bilan tinch muloqotga o`tish darkor. Agar bu ish qilinmasa, haqiqatan ham kuchli konflikt yuzaga kelishi aniq.