Mavzu: O’zmaf hujjatlarini hisobga olish. Arxiv hujjatlarini butlash. Arxivlar va ularning hisobdorligi

Xatda arxivda ishlashga ruxsat berish so‘ralgan tadqiqot, mavzu to‘g‘risida iltimosnoma keltiriladi.
Agar arxivga murojaat shaxsiy xarakterda bo‘lsa, u xolda foydalanuvchi arxiv direktori nomiga mavzu va mashg‘ulot nomini ko‘rsatgan xolda shaxsiy ariza yozadi. Tadqiqot mavzuni o‘zgargan taqdirda u yangi ariza yozadi. Chet ellik tadqiqotchilar chet el ilmiy tashkiloti yoki diplomatik vakolatxona xati bo‘yicha qabul qilinishi mumkin. Shundan so‘ng tadqiqotchini o‘quv zali qoidalari bilan tanishtiriladi va tadqiqotchi anketasini tshldirish taklif qilinadi.
Anketaga tadqiqotchini familiyasi, tug‘ilgan yili, ish joyi, mansabi, ma’lumoti, ilmiy darajasi, tadqiqot mavzusi, tadqiqot yo‘nalishi va bog‘lanish uchun ma’lumotlar kiritiladi.
Anketa so‘ngida tadqiqotchi o‘quv zali qoidalariga rioya qilishni, o‘z ishida arxiv hujjatlaridan foydalanganlikni ko‘rsatib o‘tish va arxivga tadqiqotlar nusxasini taqdim qilish va hujjatlarni arxiv bilan shartnoma tuzmay nashr qilmaslik to‘g‘risida tilxat beradi.
Xar bir foydalanuvchi uchun arxivda shaxsiy jild yuritilib, unga quyidagi hujjatlar kiritiladi:
O‘quv zaliga quyilganlik to‘g‘risida direktor rezolyutsiyasi qo‘yilgan ariza yoki rasmiy xat, foydalanuvchini hujjatlar bilan, shu bilan birga konfedensial hujjatlar bilan ishlash tartibi, saqlash to‘g‘risidagi majburiyat anketasi, yozuv va ishlarni talabnomasi, hujjatlardan nusxa ko‘chirishga buyurtmalar.
Foydalanuvchini shaxsiy jildidagi ma’lumotlar yil oxirida foydalanishni hisobini yuritishni qulayligi uchun foydalanuvchilarni hisobga olishni maxsus hisob varag‘iga jamlanadi. Kartochkaga foydalanuvchini tadqiqot mavzusi, foydalanuvchini ismi, familiyasi, shaxsiy jild raqami, ilmiy darajasi uni jo‘natgan tashkilot shug‘ullanish vaqti, maqsadi va u tomonidan foydalanilgan fondlar raqamlari ko‘rsatiladi.
Talab qilingan hujjatlarni olish uchun talabnoma to‘ldiriladi. Talabnoma nafaqat sizni ishingizni qayd qiladigan hujjat (fondni raqami va nomi, ro‘yxat, jild, mikrofilm raqami) hisoblanadi. Shuningdek talabnoma foydalanilgan hujjatlarni hisobga olish formasi hisoblanadi. SHuning uchun talabnomani birinchi qismini-ya’ni foydalanuvchi to‘g‘risidagi ma’lumotlarni to‘ldirishga e’tibor berish kerak.