Mavzu: O‘zbekistonda demokratik tamoyillar asosida milliy davlat boshqaruv tizimining yaratilishi

1991-yil 6-sentabrida respublika mustaqilligi hamda hududiy yaxlitligini himoya qilish maqsadida Mudofaa ishlari vazirligi tuzildi.

• 1991-yil 6-sentabrida respublika mustaqilligi hamda hududiy yaxlitligini himoya qilish maqsadida Mudofaa ishlari vazirligi tuzildi.
• 1992-yil yanvar oyida O’zbekiston Respublikasi milliy gvardiya brigadasi barpo etish lozim, deb topildi. 1992-yil iyulida u Mudofaa Vazirligiga bo‘ysundirildi.
• 1990-yil dekabrida Davlat reja qo‘mitasi Iqtisod komissiyasiga aylantirildi. 1992-yil 5-avgustida esa ushbu qo‘mita va statistika davlat qo‘mitasi negizida Vazirlar Mahkamasining Istiqbolni belgilash va statistika davlat qo‘mitasi hamda joylarda uning tegishli idoralari barpo etildi.
• 1997-yilda bu qo‘mita makroiqtisodiyot vazirligiga aylantirildi.
• 1991-yil 7-sentabridan O’zbekiston Respublikasi tashqi iqtisodiy faoliyat milliy banki faoliyat ko‘rsata boshladi

Hokimlik va hokim lavozimi ta’sis etilishi

• 1992-yil 4- yanvarda qabul qilingan “O’zbekiston Respublikasida mahalliy hokimiyat organlarini qayta tuzish to‘g‘risida”gi va 1993-yil sentabrdagi “Mahalliy davlat hokimiyati to‘g‘risida”gi Qonunlar asosida mahalliy hokimiyat organlari tizimida butunlay yangi organ – hokimlik va hokim lavozimi ta’sis etildi hamda uning vakillik organlariga boshchilik qilishi tamoyillari belgilab qo‘yildi.
• Ijro etuvchi hokimiyat organlarida bog‘liqlikni kuchaytirish maqsadida, viloyat hokimlari O’zbekiston Prezidenti tomonidan, tuman va shahar hokimlari viloyat hokimi tomonidan lavozimiga tayinlanishi va lavozimidan ozod qilinishi hamda bu masalalar tegishli xalq deputatlari Kengashlari tomonidan tasdiqlanishi tartiblari belgilandi.

Sud-huquq tizimi

• Mustaqillik yillarida mamlakatimizda sud-huquq tizimini isloh qilish va liberallashtirish, sudlarning haqiqiy mustaqilligi va erkinligini ta’minlash borasida ulkan ishlar amalga oshirildi.
• O’zbekiston Respublikasida besh yil muddatga saylanadigan O’zbekiston Respublikasi Konstitutsiyaviy sudi, O’zbekiston Respublikasi Oliy sudi, O’zbekiston Respublikasi Oliy xo‘jalik sudi, Qoraqalpog‘iston Respublikasining Oliy sudi, shu muddatga tayinlanadigan viloyat sudlari, Toshkent shahar sudi, tuman, shahar sudlari, viloyat xo‘jalik sudlari, harbiy sudlar faoliyat yuritdi.
• Mazkur sudlarning huquqiy holati O’zbekiston Respublikasining Konstitutsiyasida, O’zbekiston Respublikasining 1993-yil 2-sentabrda qabul qilingan “Sudlar to‘g‘risida”gi Qonunida bayon etilgan.