Mavzu: Ona-Vatan

16- dars

Mavzu: Mehmondo'stlik — yaxshi odat

Maqsad:

a) ta'limiy: o'quvchilarga mehmondo'stlik xislati haqida tushuncha berish;

b) tarbiyaviy: o'quvchilarda mehmondo'st inson bo'lishga rag'bat uyg'otish;

d) rivojlantiruvchi: o'quvchilarda mehmondo'stlik ko'nikmalarini rivojlantirish.

Dars uslubi: an'anaviy dars (mustaqil ishlashga yo'naltirgan holda).

Dars jihozi: darslik, qo'shimcha adabiyotlar, mavzuga oid rasmlar.

Dars texnologiyasi

Dars elementlari	1	II	III	IV	V	VI	VII	VIII	IX
Davomiyligi	1	4	10	5	10	5	5	4	1

Texnologik xarita

Mavzu	Mehmondo'stlik — yaxshi odat
Maqsad va vazifalar	O'qituvchi: o'quvchilarni mehmondo'stlik fazilatini egallashga yo'naltirish.
Dars jarayonining borishi	Tashkiliy qism. Darslikdan "Buni bilib oling" shartli belgisi orqali taqdim etilgan matnni o'qitish. Rivoyatni ifodali o'qish va tahlil qilish. Dam olish daqiqasi. Darslikdagi jumboqni yechish. Darsni yakunlash. O'quvchilar bilimini baholash. Uyga vazifa topshirish.
O'quv jarayonini amalga oshirish texnologiyasi	Uslub: an'anaviy (ayrim interfaol metodlar qo'llangani holda). Shakl: sinf-dars. Texnologik usul: ko'rgazmali-muammoli tahlil. Vosita: darslik, rasm. Nazorat: frontal, yakka.
Kutilayotgan natijalar	O'qituvchi: darsning maqsadiga erishish.	O'quvchi: mehmondo'stlikning go'zal odat ekanligini anglash.
Kelgusi rejalar	O'qituvchi: o'quvchi­larda mehmondo'stlik ko'nikmalarini egallashga nisbatan barqaror rag'batni vujudga keltirish.	O'quvchi: mehmondo'stlikning ahamiyatini anglash.

Darsning borishi:

I. Darsni tashkil etish.

II. O'qituvchi yangi mavzuni e'lon qiladi: "Aziz o'quvchilar, bugun biz Siz bilan birgalikda o'rganadigan dars mavzyimiz: "Mehmondo'stlik — yaxshi odat" deb ataladi. Har biringiz kattalarning mehmonlarni qanday kutib olayotganlarini kuzatgansiz. Bunda ayrim yumushlarni bajarishda o'zingiz ham ishtirok etgansiz.

Mehmondo'stlik xalqimizga xos eng yaxshi fazilatlardan biri. Shu sababdan siz ham xalqimizning munosib farzandi bo'lishingiz, mehmon kutish, mehmonda o'zini qanday tutish odobini mukammal bilishingiz zarur".

III. Darslikdan "Buni bilib oling" shartli belgisi bilan berilgan matn o'qilib, unga ilova qilib berilgan savol asosida suhbat o'tkaziladi.

IV. Dam olish daqiqasi.

V. Darslikdan "Mehmon aziz" rivoyati o'qiladi.

VI. Matn va unga ilova qilib berilgan rasm asosida suhbat o'tkaziladi (savol va topshiriq: 1) Rivoyatni qayta hikoya qilib bering va o'z fikringizni bildiring; 2) Rivoyatdagi bolaning aql-zakovati nimalarda ko'rindi?; 3) Nima sababdan hokim bolaning aytganini qilishga majbur bo'ldi?; 4) Mehmondo'stlik haqida qanday maqollarni bilasiz?).

VII. Darslikdan mavzuga oid jumboq yechiladi: Jumboqda "Mehmon kelar eshikdan, rizqi kelar teshikdan" maqoli berilgan bo'lib, unda tushirib qoldirilgan "teshikdan" so'zini o'quvchilar mustaqil ravishda topadilar.

VIII. Dars yakunlanib, o'quvchilar bilimi baholanadi.

IX. Uyga vazifa: "Buni bilib oling" shartli belgisi bilan berilgan matnni oiladagi kattalardan o'rgangan ma'lumotlar asosida kengaytirib kelish.