Мавзу: Қон клиник таҳлили. Қон хужайраларини автоматик анализ усуллари

Этика ҳақидаги тушунча нафақат инсонларнинг бир-бирига бўлган, балки билимга бўлган муносабатини, ахлоқий бойлигини белгилайди. Биринчи марта "этика"сўзи Аристотель томонидан таклиф этилган бўлиб, унда философ ушбу термин орқали инсоний аҳлоқ ҳақидаги фанни тушунган. Врач этикаси (юнонча "этос"- одат, характер) врачнинг беморни саломатлигини мустаҳкамлашга қаратилган фаолиятидаги ҳатти - ҳаракати, аҳлоқи, ҳулқи, одати, манфаати, виждони ва касбига муносиблиги ҳақидаги фандир.

Тиббиёт соҳасидаги ҳар қандай ишчи шафқат, меҳрибонлик, сезгирлик ва жавобгарлик, беморга ғамхўрлик ва эҳтиёткорлик билан муносабатда бўлиши керак. Тиббий ходимнинг ахлоқий масулияти тиббий этиканинг барча принципларига риоя қилишни назарда тутади. Беморларга ташхис қўйиш, даволаш, даволаниш ҳолати, ўрта ва кичик тиббиёт ходимларининг нотўғри хатти-ҳаракатлари беморларнинг жисмоний ва маънавий азобланишига олиб келиши мумкин. Тиббиёт ходимининг тиббий сирларни ошкор қилиши, тиббий ёрдамдан воз кечиши, шахсий ҳаёти бузилганлигини ошкор қилиши ва ҳ.к.га йўл қўйилиши мумкин эмас.

Бизнинг мамлакатимизда врачлар, тиббиёт ходимлари фаолиятида намоён бўлувчи врач этикаси ва деонтологияси инсонийлик тамойилларига асосланган. Ҳозирги кунда тиббиёт тизимида фаолият кўрсатувчи мутахассислар ҳақида сўз юритадиган бўлсак, деонтология масаласига алоҳида тўхталиш жоиз. Маълумки, шифокору ҳамширалар одамлар билан доимий мулоқотда бўлишади, кенг жамоатчилик орасида юришади. Шу муносабат билан ушбу соҳа ходими ораста кийиниши, касбга нисбатан юксак ҳурмат намунасини кўрсатиши, этика нуқтаи назаридан мукаммал бўлишга интилиши лозим.

“Фуқаролар соғлиғини сақлаш тўғрисидаги” қонуннинг моҳияти 29 август 1996 йилда Ўзбекистонда «Фуқаролар соғлиғини сақлаш тўғрисидаги» қонунни Ўзбекистон Республикаси Олий мажлиси қабул қилди ва шу кундан кучга кирган, бир неча бор қайта кўриб чиқилган ва ўзгартиришлар киритилган. Ўзбекистон Республикаси «Фуқаролар соғлиғини сақлаш тўғрисида»ги қонун VI-Боб, 47та моддадан иборат. 45-модда. Шифокор сири Фуқаронинг тиббий ёрдам сўраб мурожаат қилганлиги, унинг соғлиғининг ҳолати, касаллигига қўйилган ташхис хусусидаги ҳамда уни текшириш ва даволаш давомида олинган бошқа маълумотлар шифокор сирини ташкил этади.