Мавзу: Қон клиник таҳлили. Қон хужайраларини автоматик анализ усуллари

3. Qonning himoya funksiyasi. Qondagi leykotsitlar - oq qon tanachalari organizmga tushgan turli xil yot jismlar, zararli agentlarni (mikroorganizmlami) o’rab olib po’stidan ajraluvchi fermentlari yordamida parchalab hazm qilib yuboradilar, bu hodisa fogotsitoz deb ataladi (1883 yil I.I.Mechnikov kashf etgan). Bundan tashqari qon zardobida oqsil tabiatli moddalar - antitanalar mavjud bo’lib, ular ham organizmni turli zararli agentlardan himoya qiladilar. Qonning yana uvish xossasi ham bo‘lib u ham himoya vazifasini bajaradi.

4. Qonning ayiruv funksiyasi. Moddalar almashinuvini oraliq, qoldiq mahsulotlarini, turli xil bo‘yoqlari, zaharlarni ayiruv organlariga tashib yetkazib berib, ulardan organizmni tozalaydi. 5. Qonning korellyativ funksiyasi. Turli ichki endokrin bezlaridan va to‘qimalardan chiquvchi gormonlar va fiziologik faol moddalar (mediatorlar) qon orqali turli funksiyalarni boshqarishda ishtirok etadi.

Klinik - laborator tekshiruvlar uchun material.
Klinik -laborator tekshiruvlar uchun material bo’lishi mumkin: qon (venoz va kapillyar), siydik, najas va boshqalar. Bemorlardan qonni och qoringa (ovqatlangandan kamida 12 soatdan keyin), odatda ertalab (soat 7-10lar orasida), iloji bo’lsa fizik zo’riqish va diagnostik muolajalardan oldin olish tavsiya etiladi. Tekshiruv yo’llanmasida bemor ismi, snarifi, yoshi va material olingan vaqti yoziladi.

Kapillyar qon olish va tekshiruv uchun material tayyorlash. Umumiy klinik tahlil uchun qon bemor barmog’idan, venasi yoki quloq suprasidan, chaqaloqlarda tovonidan olinadi. Qon tekshiruvni ertalab och qoringa, jismoniy zo’riqishlar, turli diagnostik muolajalar va dori vositalarini qabul qilishdan avval o’tkazilishi tavsiya etiladi. Qon olish qoidalari: Qonni rezina qo’lqoplarda, aseptika qoidalariga rioya qilib olish kerak. Kapillyar qon olishda bir marta qo’llaniladigan steril skarifikatorlardan foydalanish kerak.