Mavzu: Obraz poetikasi

Badiiy obraz vositasida fikrlash (va ifodalash) san’atning spetsifik, ya’ni tur sifatida belgilovchi xususiyati bo‘lib, buni obrazlilik deb yuritiladi. San’atkor badiiy obraz vositasida dunyoni anglaydi, o‘zi anglagan mohiyatni va o‘zi anglanayotgan narsaga hissiy munosabatini ifodalaydi. Shu ma’noda obraz adabiyot va san’atning fikrlash shakli, usuli sanaladi; obrazlar vositasida fikrlagani uchun ham adabiyot va san’atga xos fikrlash tarzi “obrazli tafakkur” deb yuritiladi.

Obrazli tafakkur bilan tushunchalar vositasidagi tafakkur tarzining farqini tasavvur etish uchun fandagi va adabiyotdagi tafakkur tarzini qiyoslab ko‘rish mumkin. Misol uchun, bir xil masala yuzasidan fikr yuritayotgan olim va shoirni olib ko‘ramiz. Abdulla Oripovning “Ayol” she’ri misolida ko‘ramiz.