Мавзу: Нефткимёвий синтезлар Режа: Нефтни қайта ишлаш жараёнида содир бўладиган реакциялар Нефть таркибидаги углеводородлар

Гидротозалаш жараёни

Гидротозалаш нефть фракцияларини олтингугуртсизлантириш ҳамда иккиламчи қайта ишлаш маҳсулотларида мавжуд бўлган тўйинмаган углеводородларни водород билан тўйинтириш учун қўлланилади. Ушбу жараён мойлар ва парафинларни якуний тозалаш учун ҳам ишлатилади. Жараён 300÷420⁰С ҳарорат ва 3÷4 МПа босимда амалга оширилади.

Каталитик гидротозалаш жараёни

Гидротозалаш жараёни натижасида олинган бензинда 1,210^-4 ÷ 910^-6 % (масс.), реактив ёқилғида 0,002÷0,005% (масс.), дизель ёқилғисида 0,02÷0,06% (масс.) миқдорда олтингугурт бўлиши лозим.

Гидротозалаш жараёнини технологик шароитлари:
t = 340 ÷ 420⁰C.
p =2,5 ÷ 6,0 МПа.
V_ҳ.т = 1 ÷10 соат^-1 (ҳажмий тезлик).
Н₂ сарфи 0,1 ÷1,3% (масс.).
Катализатор – Al–Ni–Mo, Al–Co–Mo ва бошқалар.


Олтингугуртли органик бирикмаларни гидрирлаш
Олтингугурт сақловчи бирикмаларни гидрирлаш жараёни нефть маҳсулотларини гидротозалаш жараёни деб аталиб, бунда S–С боғи узилади, чунки бу боғ энергияси С–С боғиникига нисбатан 1,5 баробар кичик. Бундан ташқари, катализатор комплексида MoS₂ юзасида S–C боғи энергияси 23 кж/моль га тенг бўлиб, ушбу комплексдаги С–С боғи энергиясидан 10 марта кам.(парафинларда 331 кж/моль).
Тиофен ҳосилалари энг қийин гидрирланади. Тиофен, сульфидлар ва меркаптанлар анча енгил гидрирланадилар. Одатда жараён Al–Co–Mo, Al–Ni–Mo катализаторларида 340÷420⁰С ва 2,5÷6,0 МПа босимда олиб борилади. Турли хил олтингугуртли бирикмалардаги гидрогенизация реакциялари механизмини қуйидагича тушунтириш мумкин:
Юмшоқ шароитларда, қуйи босимда меркаптанлар сульфидларгача дегидрирланадилар.

Қаттиқ шароитларда гидрогенизация жараёни углеводородлар ҳосил бўлишигача боради:

Ўз навбатида сульфидлар ва дисульфидлар тўла гидрирланиб, аввал тиол, сўнгра углеводородлар ҳосил қилади:

Тиофенлар ҳам кетма-кет гидрирланадилар.

Кейинги пайтларда тиофенни гидрирлаш реакцияси S–C боғи ҳисобига кетиши, изланишлар натижасида тўлиқ тасдиқланган бўлиб, бутадиен ҳосил бўлади ва у ўз навбатида гидрирланиб бутилен ва сўнгра н-бутан ҳосил қилади:


Бензиндан ташқари гидротозалашга дизель ва реактив ёқилғилари ҳамда айрим мой турлари ҳам жалб қилинади. Ушбу ҳолда оралиқ маҳсулот бўлган алкенларни гидрирлаш исталган жараёндир. Ҳозирги вақтда деярли ҳамма нефтни қайта ишлаш заводлари олинаётган нефть маҳсулотларини олтингугуртли бирикмалардан гидротозалаш қурилмаларига эга.