Mavzu: Mustaqillik va ona tili haqida suhbat

V . Darsni yakunlash. O’quvchilar bilimi rag’batlantiriladi.
VI.Uyga vazifa:
235- mashq. Nuqtalar o’rniga jo’nalish kelishigi qo’shimchalaridan mosini qo’yib, topishmoqlarni o’qing va javobini toping.
1. Bir parcha patir Olamga tatir.
2. Ko’k ko’ylakka qo’l yetmas.
3. Ko’k ko’ylakka g’o’za yoydim.
4. Boshi o’xshar taroqqa Dumi o’xshar o’roqqa
Ko’chiring. Jo’nalish kelishigidagi otlarning tagiga chizing.
-Darsda nimalarni bilib oldingiz? (O’quvchilar bilganlaricha javob beradilar. O’qituvchi javoblarni umumlashtiradi.)
Darsda faol qatnashgan o’quvchilar rag’batlantiriladi.


Sana:___________________________________
Mavzu: 7-nazorat ishi va xatolar ustida ishlash. Bayon.
Maqsad: o’quvchilar bilimini tekshirish, baholash.
Tarbiyaviy maqsad: tabiatga mehr uyg’otish, o’zaro do’stlik tuyg’usini shakllantirish
Rivojlantiruvchi: Bilimlarini mustahkamlash, o‘quvchilar faolligini oshirish, mantiqiy fikrlarni rivojlantirish, halollik va hamjihatlikda ishlashga o‘rgatish.
Darsning uslubi: nazorat ishi
Nazorat shakli: bayon.
Darsning borishi:
I.Tashkiliy qism:
Salomlashish;
Davomatni aniqlash;
Darsga tayyorgarlik ko’rish;
Darsning maqsadini aytish.
Bayon mazmuni.
TAYYOR REJA ASOSIDA TO’LIQ BAYON YOZISH
Quyonchilik fermasi
Maktab quyonchilik fermasining boshlig’i uyida quyon boqishni xohlovchi bolalarni aniqladi. U quyonboqarlarga bir juftdan quyon beradigan bo’ldi.
Alisher – bo’lg’usi fermer. U maktab fermasi boyligiga boylik qo’shmoqchi bo’ldi. Shuning uchun quyonchilik fermasi boshlig’idan uyida boqish uchun bir juft quyon olib keldi.
Otasi quyonlarga darrov uya yasab berdi. Alisher quyonlarni boqishda quyonboqarlardan yordam olib turdi.
Oradan bir yil o’tdi. Quyonlar yigirmatadan oshib ketdi. Alisher o’nta quyonning terisini maktab fermasiga topshirdi.
Alisher maktab boyligiga boylik qo’shdi. Eng muhimi – mehnat qilishni o’rgandi. Maktab quyonchilik fermasining a’zolari Alisherdan minnatdor bo’lishdi. (87 so’z, 65-70 so’z bo’lishi ham mumkin.)
Imlo: bo’g’in ko’chirish qoidasi eslatiladi. Juft so’zining yozilishi va uning o’rnida qanday so’z ishlatish mumkinligi tushuntiriladi.
Bir unli tovushdan hosil bo’lgan bo’g’inlarni birinchi yo’lda qoldirib bo’lmasligi va ikkinchi yo’lga ham ko’chirib bo’lmasligi (jamoa shaklida) uqtiriladi.
Tahlil: Alisherning maqsadi nima edi? Hikoyadan nimani o’rgandingiz? Nima uchun maktab quyonchilik fermasi a’zolari Alisherdan minnatdor bo’lishdi?
Topshiriq: Alisherning maktab boyligiga qo’shgan hissasini ifodalang.
«Alisher – bo’lg’usi fermer» mavzusida bayon yozing. (Bayon 70-75 so’zdan iborat bo’lishi mumkin.)
Reja:
1. Alisher – bo’lg’usi fermer.
2. Otasining yordam berishi.
3. Oradan bir yil o’tdi.
4. Minnatdor bo’lishdi.
5. Hikoyaning ahamiyati.

Tayanch so’zlar: fermer, juft, quyonboqar, eng muhimi,.

O’quvchilar ishi tekshirilib, tahlil etiladi. Baholar qo’yiladi.

IV chorak

28.03.2017 131-dars