Мавзу: мттларда интеграциялаштирилган машғулотларни ташкил этиш (4 соат)

Интеграциялаштирилган намунавий машғулот ишланмаси.
Мавзу: “Йил фасллари билан таништириш.


Машғулот мақсади: Бадиий адабиёт ва табиат билан таништириш машғулотларини уйғунлаштириб, шеърий эртаклар орқали болалар нутқини ўстириш ва фасллар ҳақидаги маълумотга эга бўлиш.
Машғулот тури: Янги билим берувчи , интеграциялаштирилган.
Машғулот услуби: эркин фикрлаш, суҳбат, шеърий эртак, интерфоал усуллар.
Машғулотнинг жиҳози: Фаслларнинг рангли расмлари,буклетлар,
слайдлар тақдимоти, тарқатма материаллар, техник воситалар.
Машғулотнинг бориши:
Тарбиячи: Болажонлар бугун мен сизларга табиатнинг тўрт фасллари хақидаги эртакни айтиб бераман. Йил фасллари бир-бирлари билан
навбат талашиб тортишиб қолар эканлар.

Бир йилда бор тўрт фасл,

Бир - биридан чиройли.

Опа - сингил тўрт фасл,

Бахслашиб қолдилар.

Баҳор деди:

– Мен ҳаммадан чиройли,

Фасллар келинчаги.

Қуёш нур сочганида,

Гуллаб кетади олам.

Ёз деди:

– Мени ҳамма хуш кўрар,

Айниқса болакайлар.

Иссиқ кунда чиниқиб,

Илиқ сувда чўмилар.

Кўз ҳам жим турмади:

– Мени ҳамма севади,

Меваларим пишганда.

Ҳатто мени билингиз,

Ўхшатишар олтинга.

Баҳсга қиш қўшилди:

– Мен билан завқлидир,

Қишки ўйинлар билинг,

Янги йил кирганида

Қувончга тўлар ўйин г.

Опа– сингил фасллар,

Хеч келиша олмагач,

Қуёшбобо олдига

Маслаҳатга бордилар.

– Қуёшбобо бизга айт

Сиз ҳаммадан юқори,

Қайси фасл керакли

ва барчадан чиройли.

Жавоб берди қуёшбобо:

– Агар баҳор бўлмаса,

Гулламайди дарахтлар,

Кўкармайди майсалар.

Шунинг учун баҳорой

Барчага бирдай керак.

– Агар ёз бўлмаса,

Пишмайди хеч бир мева,

Хатто болалар қувонмас,

Мазза қилиб чўмилмас.

– Агар кўз бўлмаса,

Савзавотлар пишмайди,

Хатто пахта очилмас.

– Ундай бўлса, бизга

– Қиш керак эмас, – дейишибди фасллар.

– Йўқ, йўқ адашасизлар,

Жавоб берар қуёшбобо:

– Агар қиш бўлмаса,

– Ухламайди дарахтлар,

Дам олмайди тупроқлар,

Қорга тўймайди тоғлар.

Шунинг учун билингиз

Сиз барчага кераксиз,

Хатто бир –бирингизсиз

Бир кун яшай олмайсиз.

Опа-сингил йил фасл

Қилмишидан уялиб,

Хурмат қилиб бир-бирин

Навбат билан келишар