Mavzu: Mis qotishmalarining quymakorlik xossalari

Қобиқ қолипларга қуйиш.
Йирик сериялаб ва кўплаб ишлаб чиқаришда юқори аниқликдаги (12 – 15 квалитетлардаги) шаклдор майда ва ўртача муҳим қуймалар металл моделлар ёрдамида тайёрланадиган қобиқ ярим қолипларга қуйилади.
Бунда қолип аралашмаси майда кварц, магнезит ёки цирконий қумидан 92-95% ва термореактив финол- формалдигидли смола 5-8% дан ташкил топади. Ярим қолипларни тайёрлаш пульверизатор билан модель плитага ажратгич таркиб қоплашдан бошланади бу таркиб қобиқни плитадан олишни осонлаштиради. Сўнгра модель плита 200-220 С температурагача қиздирилади ва қолип ажралмаси у ёки бу усул билан (кўпинча бурилувчан бункер ёрдамида) яримқолип моделига киритилади. Смола суюқланади ва қум билан 6-8 мм қалинликда қобиқ ҳосил қилади, бу қобиқ модель плитадан олинади. Сўнгра стерженлар қўйилгач қобиқ яримқолиплар скобалар билан маҳкамланиб ёки ёпиштирилиб металл яшикка жойланади ва атрофи йирик қум ёки чўян питралари билан тўлдирилади ва қолипга суюлтирилган металл қуйилади.
Металл тўла криссталлашадиган пайтга келиб аралашмадаги смола куйиб кетади, қолип ва стерженлар пухталигини бир мунча йўқотади, қуймани чиқариб олишда улар осонгина парчаланади. Қобиқ қолипларни тайёрлашнинг юқорида ёритилган операциялари механизациялаштирилади ва автоматлаштирилади.
Қуймалар тайёрлашнинг юқорида кўрсатилган барча усуллари шу билан характерланади, уларда фойдаланилган қолиплар бир марта ишлатиш учун мўлжалланган ва металлдан ясалмаган, бинобарин иссиқлик ўтказувчанлиги етарли эмас шунинг учун уларга қуйилган металл секин криссталланади. Бунда йирик доннали қуйма ҳосил бўлади ва керакли механик хоссалар олиш учун қўшимча термик ишлов беришга тўғри келади.

Хулоса қилиб айтганда металл қолипларининг афзаллиги юқори. Яъни Металл қолипда олинган куйманинг қум қолипда олинган қуймага нисбатан сирти тоза, ўлчамлари аниқ, кристал доналари майда ва механик хоссалари юқори.Ундан ташқари ишлаб чиқириш унимдорлиги юқори, қуйманинг қирқиб ташланадиган қисми юпқа ва металл қолиплардан бир неча марта фойдаланиш мумкин.