Mavzu: Matematika darslarida buyuk allomalarimiz ilmiy ma’rosidan foydalanish. Reja

Mavzu: Matematika darslarida buyuk allomalarimiz ilmiy ma’rosidan foydalanish.
REJA.
I.Kirish
1.1 Matematika darslarida buyuk allomalarimiz ilmiy
ma’rosidan foydalanish.
II. Asosiy qism
2.1 Sharq mutafakkirlari va ularning asosiy asarlari
2.2 5-9-sinflar matematika dasrlarida O`rta Osiyolik mutafakkirlar
ijodini o`rganish.
III. Xulosa
IV.Adabiyotlar


Kirish
Mustaqil O`zbekistonimizda umumiy o`rta ta’lim maktablarida matematika darslarini o`qitishda Sharq, xususan O`rta Osiy matematika tarixiga doir ma’lumotlardan foydalanish katta ahamiyatga egadir.
Bu ma’lumotlar o`quvchilarni milliy iftixor va Mustaqil O`zbekistonga sadoqat ruhida tarbiyalashga juda katta yordam berishi shubhasiz.
Matematika tarixiga oid ma’lumotlardan foydalanish ishlarini maktablarda matematika fanini o`qitish jarayonida darslarda va darsdan tashqari mashg`ulotlarda muntazam olib borish mumkin.
Bu ma’lumotlar o`quvchilarning o`z Ona-Vataniga muhabbatini oshiradi, ota-bobolarimiz hisoblangan bu olimlarga izzat va hurmat hislarini tarbiyalaydi.
Matematika o`qituvchisi dars vaqtida, shu dars mavzusiga bog`liq bo`lgan matematik tushunchaning paydo bo`lishi, ularning rivojlanib borishi va bu sohada O`rta Osiyolik olimlarning rolini ko`rsatib berishi lozim.
Darsdan tashqari mashg`ulotlarda, masalan, matematika to`garaklarida, devoriy gazetalarda, sharq mutafakkirlari ijodlaridan keng foydalanish mumkin. Mashhur matematik olimlar tavalludiga bag`ishlab o`tkaziladigan matematika kechalari esa juda katta tarbiyaviy ahamiyatga ega.


II. Sharq mutafakkirlari va ularning asosiy asarlari
Hozirgi O`rta Osiyo xalqlari juda qadimiy fan va madaniyat tarixiga ega. Matematika fani haqiqiy dunyoning miqdoriy munosabatlari va fazoviy shakllari haqidagi fan sifatida, insonning turmush ehtiyojlarini qondirish asosida paydo bo`lgan va kishilik jamiyati umumiy taraqqiyoti bilan birgalikda taraqqiy etib, insonning o`sib boradigan moddiy va ma’naviy ehtiyojlarini qondirishga xizmat qiladi.
O`rta asrlarda O`rta Osiyo matematiklari matematika sohasida, o`zlarigacha yaratilgan bilimlarni har tomonlama o`rganib tahlil qildilar va matematik tekshirishlarning yangi sohalarini yaratdilar va umuman matematika fanini yangi ijodiy kashfiyotlar bilan boyitdilar.