Мавзу: Маънавият ва иқтисодиёт, уларнинг ўзаро муносабатлари Режа: Иктисодиёт тушунчаси

Давлат мулкининг Ўзбекистонда деярли 60-70% гача бўлган қисми хусусийлаштирилди, ерлардан фойланишни умрбод ижарага бериш услубидан фойдаланилмоқда, фермер-хўжаликлари ва микрофирмалар тузилмоқда, ўзбек валютаси муомалага киритилди, фонд биржаси яъни қимматбаҳо қоғозлар бозор шакллантирилди, солиқ ва божхона хизмати, дипломатик ваколатхоналар ва савдо палаталари, савдо уйлари, уй-жой бозори, хусусий банклар ва ҳ.к. илгари мавжуд бўлмаган инфратузилмалар яратилди.
«Кадрлар тайёрлаш миллий дастури» 1997 йилдан бошлаб Маънавий ва иқтисодий ислоҳотларни чуқурлаштириш, уларни уйғун тарзда амалга ошириш мақсадида Ўзбекистонда амалга оширилмоқда.Ушбу дастур доирасида кадрларни нафақат Ўзбекистонда балки чет эл олий ўқув юртларида ўқитилиши масалалари ҳам кенг қамраб олинган.
Иқтисодий ва маънавий-маърифий ислоҳотларни амалга ошириш жараёнида маълум бир салоҳият талаб этилади, бу борада Ўзбекистоннинг иқтисодий салоҳияти етарли. Хусусан, ҳозирги кунда 2700 дан ортиқ ер ости бойликларининг конлари аниқланган. Аниқланган конларнинг қиймати муттахассислар фикрига кўра 3,3 трлн. долл.ни ташкил этади. Ўзбекистон нафақат олтин ва бошқа нодир металлари билан балки Менделеев элментлар даврий тизимидаги барча маъданларнинг мавжудлиги билан ҳам фахрланса арзийди. Ҳозирга келиб республика қазилма конларидан 8-9 млрд. долл.га тенг фойдали қазилмалар олинмоқда.
Мустақил Ўзбекистон танлаб олган бозор иқтисодиёти йули шунинг учун хам истиқболлики, у хар бир кишидан ўта тадбиркорликни, хозиржавобликни, тежамкорликни, уддабуронликни, вакти-соати келганда сабр-тоқатлиликни, совуққонлиликни, хар бир вазиятда ишнинг кўзини билишни, муомалада нихоятда эхтиёткорликни, хар бир сўзнинг шакли ва мазмунини ажратишни ва фарқ қилишни талаб етади.
Хуллас, юқорида қурганимиздек жуда катта бойликлар мавжудлиги, қудратли саноат базаси, илмий ва интелектуал салохият, давлат суверенитети янги жамият барпо этиш, Ўзбекистонни ривожланган, гуллаб яшнаётган давлатга айлантириш учун зарур бўлган иқтисодий, ижтимоий, маънавий, маърифий асос бўлиб қолади.