Мавзу: Мактабгача ёшдаги болаларда одоб-ахлоқ кўникмаларини ривожлантириш (2 соат) Ишнинг мақсади

Ролли ўйинлар усули – 5-6 ёшли болаларни маънавий ва ахлоқий жиҳатдан тарбиялашда “Ассалому алайкум”, “Хайрли тонг”, “Хайрли кун”, “Лаббай”, “Хўп бўлади” “Кўришгунча”, “Яхши боринг”, “Раҳмат”, “Илтимос,...”, “Хайр” каби бошқа сўзлар билан мурожаат қилиш тушунчаси моҳиятининг болалар томонидан тўғри ва тўлақонли англаниши, уларнинг эътиборига ҳавола этилаётган саволлар, муаммоли вазиятларни ечиш бўйича кўникма ҳамда малакаларига эга бўлишларига ёрдам беради.
Кўргазмалилик усули – болалар томонидан ўзлаштирилаётган назарий маълумотларни мустаҳкамлаш, одоб, ахлоқ тушунчасининг моҳиятини тўлақонли англаниши, билимларни амалиётда қўллаш кўникмаларининг тарбияланиши учун зарур шароитни юзага келтиради. 5-6 ёшли болаларда маънавий ва ахлоқий тушунчаларни шакллантиришда Ватанимизнинг тарихи ва бугуни билан боғлиқ сермазмун воқеа-ҳодисалар, Тўмарис, Жалолиддин Мангуберди, Амир Темур сингари миллий қаҳрамонларнинг Ватан озодлиги йўлидаги мардона курашларини бугунги куннинг тарихий ишлари билан ижтимоий-педагогик жиҳатдан таҳлил қилиш, миллий қадриятлари, урф-одатларни ёшлар онгига мумтоз ва замонавий бастакорларнинг қўшиқлари, шунингдек ўзбек адабиётининг таниқли ёзувчи ва шоирларининг асарларидан кўргазмали фойдаланиш ижобий самаралар беради.
Ижодий ўйинлар усули – болалар эътиборига ҳавола этилаётган мавзуларда мантиқий фикр юритиш, шахсий фикр-мулоҳазаларини илгари суриш, ўз қарашларини далиллаш, ҳимоя қилиш, тенгдошларини уларга ишонтириш кўникма ва малакаларининг тарбияланишига ёрдам бериш билан бирга улар томонидан муаммо моҳиятини чуқур англаниши учун зарур шарт-шароитни юзага келтиради.