Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

Yashin tezligidagi sepsis jadal rivojlanib, belgilarning to'liq to'plami bir necha scat ichidayoq namoyon bo'ladi.

O'tkir sepsisda to'liq klinik manzaraning rivojlanishi uchun bir necha kun talab etiladi.

Sepsisning yarim o'tkir turida belgilar sepsis uchun xarakterli bo'ladi, biroq dastlabki ikki turdagi singari aniq bo'lmaydi. Kasallik bir necha hafta mobaynida rivojlanadi.

Surunkali sepsis sust kechadi va klinik alomatlari bilinar-bilinmas bo'lib, bir necha oyga cho'ziladi.

Qaytalanvuchi sepsisda zo'rayish davrlari so'nish davrlari bilan almashinadi.

Metastazli sepsis (septikopiyemiya) klinikasi turli to'qimalar va a'zolarda ko'p sonli yiring boylagan joylar paydo bo'lishi bilan ta'riflanadi, belgilar zo'raygan holda o'tadi.

Metastazlarsiz o'tadigan sepsis (septitsemiya)ning klinik manzarasi odatda birmuncha og'ir va doimiy. Bu turida so'nish davri kuzatilmaydi va belgilar aniq namoyon bo'ladi.

Davosi umumlashgan bo'lishi va qo'zg'atuvchiga qarshi ku-rashga, intoksikatsiyani kamaytirishga, organizmning chidamini oshirishga, moddalar almashinuvi va ichki a'zolar faoliyatlari, shuningdek qon yaratilishini yaxshilashga qaratilishi lozim. Bemorlarga suyuqliklar (choy, vitaminli meva sharbatlari, sut) ni ko'p miqdorda ichirishi, teri ostiga yoki venaga fiziologik eritma va 5% li glyukoza eritmasidan (sutkasiga 3 1 gacha) quyish tavsiya qilinadi.

Organizmning chidamini oshirish maqsadida (kichik miqdorda) takror qon quyiladi, plazma va oqsil preperatlari yuboriladi. Bemorning ovqati xilma-xil va sifatli bo'lishi kerak. Bemorlarga go'sht qiyma holida qaynatma baliq, tuxum, tvorog beriladi. Organizmni vitaminlarga to'yintirish maqsadida yangi sabzavotlar va mevalar tavsiya etiladi. Antibiotiklarni ularning sepsis keltirib chiqargan mikrofloraga sezuvchanligini hisobga olgan holda buyuriladi. Sepsis manbaini aniqlashning iloji bo'lmasa, ta'sir doirasi keng antibiotiklar buyuriladi. Belgilarga ko'ra davo olib boriladi.

Infeksiya o'chog'ini faol davolash, jumladan, yiringli cho'ntaklar va metastatik o'choqlarni o'z vaqtida ochish, yot jismlarni olib tashlash alohida ahamiyatga ega.

Bemorlarni parvarish qilishda salbiy his-xayajonlarni bartaraf etishning ahamiyati katta. Bemorxonalarning havosi toza bo'lishi kerak.

Bemorda yotoq yaralar paydo bo'lmasligi, me'da-ichak yo'llarining yaxshi yurishib turishini qunt bilan kuzatib borish zarur.