Mavzu: Mahalliy va umumiy xirurgik infeksiyalarning chiqarish sabablari, klinik belgilari, tekshirish, davolsh va parvarishlashda o’ziga xos xususiyatlari. Reja

Umumiy yiringli infeksiya (sepsis)li bemorlarni parvarish qilish. Bemorni bemorlar soni kam palataga yotqizish, yaxshisi alohida xonaga joylashtirish kerak. Xonani muntazam shamollatib turish va toza saqlash kerak (har kuni ho'l latta bilan artish, BUF lampalari bilan nurlantirish). Ich kiyim, choyshablarni tozaligiga e'tibor berish zarur. Nam ich kiyimlar, choyshablar va ularni ng burma-lari yotoq yaralar paydo bo'lishiga sabab bo'ladi, bemorni kuniga bir necha marta u yonboshdan bu yonboshga olib yotqiziladi, orqasini va butun badanini xo'l sochiq bilan artiladi.

O'pkadagi asoratlarning oldini olish uchun bemorning qaddini baland qilib yotqiziladi, nafas gimnastikasi qildiriladi, balg'am tupurishni o'rgatiladi.

Yuqori haroratda va organizmning suvsizlanishi me'da-ichak yo'llari ishining buzilishiga olib keladi. Shunga ko'ra og'iz bo'shlig'ini sinchiklab tozalash (og'izni chayish, nam tampon bilan artish) kerak.

Ichning kelishini yaxshilash uchun 2 sutkada kam deganda bir marta tozalaydigan huqna qilinadi yoki ichak peristaltikasini kuchaytirishga qaratilgan boshqa tadbirlar ko'riladi (gipertonik klizma, 10% li natriy xlorid eritmasini venaga quyish, prozerin yoki pituitrinni muskul orasiga yuborish). Albatta sutkali diurez (buyraklar faoliyatini tekshirish) aniqlanadi.

Sog'ayish davrida bemorni tez-tez to'yimli ovqatlantirishga, asta-sekin o'rnidan turg'azishga, davo gimnastikasiga, uqalash muolajalarini qilishga katta ahamiyat beriladi.